بزمِ شمیمِ ادب پاکستان کی ایک سو باسٹھویں نشست نعتیہ مشاعرہ

[sajhashmi]

بزمِ شمیمِ ادب پاکستان کی ایک سو باسٹھویں نشست نعتیہ مشاعرہ،افطاروڈنر
کراچی۔ادب ڈیسک ،۱۳تیرہ برس سے زائد مدت سے مصروف اراکین و عہدے داران بزم شمیم ادب
پاکستان کراچی لائق تہنیت و ستائش ہیں کہ بلا ناغہ پچھترویں خصوصی نشست پر مجلے اورمشاعرے کا اہتمام کیا سوویں نشست پرشریک ہوتے رہنے والے شعرائے کرام کے سووینئرتصاویری منتخبہ کلام کے ساتھ شائع کرواکے نذر کیے اوراب یہ شعروسخن کا سلسلہ دوسوویں نشست کے قریب ترہے۔جہاں
بانی شمیم ادب پاکستان شمیم الرحمان قدوائی اوران کے رفقائے کار نے اس بزم کو مقبول بنایا وہیں اعجاز رحمانی،فہیم ردولوی اوراستادنصیرکوٹی کی سرپرستی و رہنمائی اورشعراٴ کارضاکارانہ شریک ہوتے رہنا بھی اس کام یابی کا مرھون ِ منت ہے۔ ہرماہ کے آخری جمعہ کوتواتر سے جاری بزم کی یہ نشست سولہ رمضان کومدینۃ العلم ہائی اسکول نارتھ کراچی میں بزم کے موجودہ صدرڈاکٹرانیس الحق انیس کی صدارت میں منعقد ہوئی جب کہ مہمان ِ خصوصی سانپوں کا نگر نامی مجموعے کے شاعر شمس الغنی اورمہمان ِاعزازی حال ہی میں عمرہ کی سعادت حاصل کرنے والے جہادِ سُخن نامی مجموعے کے معروف شاعرخلیل احمدخلیل ایڈوکیٹ
تھے۔ناظم مشاعرہ بزم کے معتمدنورالدین نورنے آغازمیں غازی محمودمحمدخاں بھوپالی کوتلاوت کلام پاک کی دعوت دی۔ غازی غوث محمد خاں،مہتاب عالم مہتاب،اخلاق درپن،صدیق راز،نورپیرزادہ،آسی سلطانی،نشاط غوری،اخترانجم،رضی عظیم آبادی،عبدالمجید محور،عبدالجباراثر،انورجاویدہاشمی اور
مسند نشینان نے نعتیہ کلام اورگل ہائے عقیدت پیش کیے۔خلیل احمد خلیل نے ملتزم کے سامنے اپنے قیام،افطار،مغرب کی نمازکے واقعے کامنظوم اظہاروالہانہ عقیدت کے ساتھ کیا۔افطار،مغرب کی نماز کے بعدعشائیہ پراس نعتیہ مشاعرہ کا اختتام ہوا۔آج سامعین اورشعرائے کرام کی تعداد مساوی رہی
رپورٹ: فری لانس سید انورجاویدہاشمی کراچی۔۔۔تصاویر محمود مغل و خلیل ایڈوکیٹ
محمودمغل،حامد علی سید،