خیالؔ ان کو وقت کی سزا پہ چھوڑ دو

[ismail ajaz]

قارئین کرام آداب عرض ہیں , ایک تازہ کلام پیشِ خدمت ہے امید ہے پسند آئے گا ،اپنی آرا سے نوازیے شکریہ
عرض کیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہے جرم در یہ جرم جو خطا پہ چھوڑ دو
کسی کو اس کے حسن کی ادا پہ چھوڑ دو

بدل تمھارے واسطے نظام جائےگا
معاملہ تم اپنا اب خُدا پہ چھوڑ دو

مصالَحَت سے کام کچھ کیا کرو میاں
مصالِحَت کو راہِ اِستِوا پہ چھوڑ دو

محبتوں کو تم فروغ دے نہیں سکے
یہ نفرتیں تو درد کی صدا پہ چھوڑ دو

تمہیں ہے کس نے اس طرح کا مشورہ دیا
کسی سے دل لگا کے انتہا پہ چھوڑ دو

کوئی تمہیں یوں چھوڑ کر کہیں نہ جائے گا
سفر کو زندگی کی تم وفا پہ چھوڑ دو

ہوس محبتوں کا ڈھونگ ہے جگہ جگہ
حیا کو تم لباسِ ناروا پہ چھوڑ دو

وفا سے آشنا نہیں ہیں لوگ آج کل
خیالؔ ان کو وقت کی سزا پہ چھوڑ دو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آپ کی توجہ کا طلبگار
اسماعیل اعجاز خیالؔ