کٹ کٹ کٹ کٹ کٹوک کٹ کٹ کٹ کٹ کٹوک
آپ کو بڑے مزے کی بات بتاوں ، کبھی آپ نے غور کیا کہ انڈہ تو ایک مرغی دیتی ہے مگر اس کے ارد گرد کی ساری مرغیاں کٹ کٹ کٹ کٹ کٹوک کٹ کٹ کٹ کٹ کٹوک کا بے ہنگم شور کورس کے ساتھ کچھ اس طرح کرتی ہیں کہ یہ جاننا مشکل ہو جاتا ہے کہ آخر انڈہ کس مرغی نے دیا ہے ، اور مزید دلچسپ بات دیکھیے کہ مرغیاں تو مرغیاں مرغے بھی کٹ کٹ کٹ کٹ کٹوک کٹ کٹ کٹ کٹ کٹوک کر رہے ہوتے ہیں
اب کوئی ماہرِ لسانیاتِ عشقیاتِ صوتیات بیضیاتِ مرغیات ان کی بولی بولنے والا ان سے یہ پوچھے کہ بھائی مرغے میاں انڈہ تو مرغیوں نے دیا اور اس کی تکلیف اس کا درد باقی مرغیاں سمجھتی ہیں اس لیے اس انڈہ دینے والی مرغی کا ساتھ دے رہی ہیں مگر تم یہ بتاو کہ تم کس کھاتے میں کٹ کٹ کٹ کٹ کٹوک کٹ کٹ کٹ کٹ کٹوک کر رہے ہو تم تو مرغے ہو
ایسا لگتا ہے تم بن کے مرغی
میری طرح سے کٹ کٹ کرکے مستی مجھ کو
چھیڑ رہے ہو چھیڑ رہے ہو
بلکہ ایسے لگتا ہے کہ مرغے مرغیوں سے محبت کے اظہار میں کٹ کٹ کٹ کٹ کٹوک کی صدائیں بلند کرتے ہوئےساتھ نبھانے کی قسم کھا رہے ہیں
ساتھ نبھانے والوں کی نذر
ساتھ دے دے کے ترا ہم تو جیے جائیں گے
لوگ یوں ہی ہمیں بدنام کیے جائیں گے
آپکی توجہ کا طلبگار
اسماعیل اعجاز خیالؔ
(اس تحریر کا سیاست سے کوئی لینا دینا نہیں)