وہ انگلیاں اُٹھانے والے کیا ہوئے
Posted: Mon Jul 05, 2021 12:43 pm
قارئین کرام آداب عرض ہیں ایک فی البدیہہ کلام پیشِ خدمت ہے امید ہے آپ احباب اپنی محبتوں سے نوازیں گے
عرض کیا ہے
۔۔۔۔۔۔۔۔۔۔۔۔۔۔۔۔۔
ہمارا دل جلانے والے کیا ہوئے
ہمارا دل دُکھانے والے کیا ہوئے
وہ ہم پہ ظلم ڈھانے والے کیا ہوئے
قدم قدم رُلانے والے کیا ہوئے
وہ ہم پہ مسکرانے والے کیا ہوئے
وہ آئنہ دِکھانے والے کیا ہوئے
ہمارے عیب دیکھتے تھے رات دن
وہ انگلیاں اُٹھانے والے کیا ہوئے
ہماری تھے تباہیوں کے منتظر
ہمیں مزا چکھانے والے کیا ہوئے
غرور اور بلندیوں کے آسماں
زمین پر گرانے والے کیا ہوئے
ہمارے راستے کی جو فصیل تھے
ہمیں سدا ستانے والے کیا ہوئے
جو ہر طرف سُکون ہی سُکون ہے
خیالؔ آزمانے والے کیا ہوئے
۔۔۔۔۔۔۔۔۔۔۔۔۔۔۔۔۔
آپ کی محبتوں کا طلبگار
اسماعیل اعجاز خیالؔ