خفا ہے یہاں آدمی آدمی سے
Posted: Mon Jul 12, 2021 11:23 am
قارئین کرام آداب عرض ہیں ایک فی البدیہہ کلام پیشِ خدمت ہے امید ہے آپ احباب اپنی محبتوں سے نوازیں گے
عرض کیا ہے
۔۔۔۔۔۔۔۔۔۔۔۔۔۔۔۔۔
ہے بےزار ہر کوئی اس زندگی سے
کہ ملتے ہیں سب لوگ ہی مطلبی سے
کسی کی خوشی سے کسی کی ہنسی سے
خفا ہے یہاں آدمی آدمی سے
ہے ملنا ملانا محبت سے خالی
غرض ہے سبھی کی دمِ دوستی سے
سب اپنے لیےجیتے ہیں اس جہاں میں
نہیں فرق پڑتا کسی کی کمی سے
اجالا ہر اک سمت پھیلا ہوا ہے
نکل کر تو دیکھو ذرا تیرگی سے
ضرور آسمان ان کی ہے دسترس میں
ہے رفتار جن کی سُبک روشنی سے
یہ دل توڑنا آپ کا مشغلہ ہے
ہوئے سب ہیں برباد اس دل لگی سے
خیالؔ اپنے رُخ کا تعیّن تو کر لو
نہ کھو جائے منزل کسی کج رَوی سے
۔۔۔۔۔۔۔۔۔۔۔۔۔۔۔۔۔
آپ کی محبتوں کا طلبگار
اسماعیل اعجاز خیالؔ
بہت خوب