ہمیں خامشی توڑنا آ گیا ہے

[ismail ajaz]

کچھ فی البدیہہ تین سال قبل لکھا کلام احباب کی نذر جس میں جناب محترم سرور عالم راز سرور صاحب بالخصوص ہیں
(Sarwar A. Raz )
عرض کیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حیا کی ردا اوڑھنا آ گیا ہے
ہمیں دل سے دل جوڑنا آ گیا ہے

تمہی سے محبت تمہی سے لڑائی
ہمیں جوڑنا توڑنا آ گیا ہے

نہ تم التافتِ نظر ہم پہ ڈالو
تمہیں ہم سے منہ موڑنا آ گیا ہے

ہم انگلی تمھاری پکڑ کر چلے ہیں
اگرچہ ہمیں دوڑنا آ گیا ہے

جو تم نے سجھایا ہمیں راہ چلنا
تو اب راستہ موڑنا آ گیا ہے

تمہارے بنا زندگی ہے ادھوری
تمہیں راہ میں چھوڑنا آ گیا ہے

جتا کر محبت کسی کے بھی دل کو
ہمیں توڑنا پھوڑنا آ گیا ہے

محبت کی ناؤ نہ ڈوبے نہ ابھرے
بھنور کو مگر موڑنا آ گیا ہے

خیالؔ آج تو کھل کے اعلان کر دو
ہمیں خامشی توڑنا آ گیا ہے
۔۔۔۔۔۔۔۔۔۔
توجہ کا طلبگار
اسماعیل اعجاز خیالؔ