حضور آپ زمانے میں معتبر ٹھہرے

[ismail ajaz]

قارئین کرام ایک کلام جو ۲۰ جنوری ۲۰۲۳ میں قلمبند کیا پیشِ خدمت ہے امید ہے پسند آئے گا
عرض کیا ہے
۔۔۔۔۔۔۔۔۔
سبھی کے دل میں رہے خود سے بے خبر ٹھہرے
حضور آپ زمانے میں معتبر ٹھہرے

نظر سے گر کے کوئی کیسے پُر اثر ٹھہرے
جودل میں رہ کے بھی کہنے کو مختصر ٹھہرے

تمام عمر مسافت میں کاٹ دی جس نے
ہے وقت کتنا جو آ کر وہ اپنے گھر ٹھہرے

خلوص پیار محبت بِلا غَرَض کیسے
کسی کے دل میں رہے اور عمر بھر ٹھہرے

گلہ ہے آپ کو ہم سے بدل گئے ہیں ہم
توآپ بھی تو نہیں اپنی بات پر ٹھہرے

ٹھکانہ اپنا کہیں پر نہیں بنا پائے
زبان پر جو نہ ٹھہرے وہ در بدر ٹھہرے

معاف کیجیے ہم آپ کے نہیں قابل
نظر میں آپ کی ہم تو ہیں کم نظر ٹھہرے

محبتوں کے لیے قربتیں ہیں لا حاصل
خیالؔ دل میں کوئی دوسرا اگر ٹھہرے
۔۔۔۔۔۔۔۔۔۔۔۔۔۔۔۔
آپ کی توجہ کا طلبگار
اسماعیل اعجاز خیالؔ