AIK GHAZAL

[Waqar Zaidi]

GHAZAL

HO GAYA PAST JAB BHI MIRA HAUSLA
TUJH KO SOCHA TO MUJH KO MILA HAUSLA

YAAD TAIRI RAHI THI SHAREEK E SAFAR
PAST MAIRA NA PHIR HO SAKA HAUSLA

US KAY RANGEEN TABASSUM KO DAIKHA TO PHIR
JANAY KIYUN KHUD BAKHUD BARH GAYA HAUSLA

DIL KE MAYOOS HAR RANG MAIN THA MAGAR
EK NIGAH NAY TIRI DAY DIA HAUSLA

MAIN NAY POOCHHA ELAJ E GHAM E DIL HAY KIA
US NAY SHOKHI SAY MUJH SAY KAHA HAUSLA

QARYA E ISHQ MAIN JAB BHI BHATKA HOON MAIN
REHNUMA MAIRA AAKHIR BANA HAUSLA

HO BHI DAAMAN MAIN IS SAY SIWA AUR KIA
MAIRI DAULAT MIRA BAY BAHA HAUSLA


WAQAR ZAIDI

[Hashmat Usmani]

salaam Waqaar saaHib,

aapkaa kalaam paRhaa. masha Allah "Hausale" buland haiN...:) aapkii Ghazal pasand aayii aur dad qubool kijiiye. mujhe zel meN darj ash'aar ziyaada pasand aaye:

YAAD TAIRI RAHI THI SHAREEK E SAFAR
PAST MAIRA NA PHIR HO SAKA HAUSLA

MAIN NAY POOCHHA ELAJ E GHAM E DIL HAY KIA
US NAY SHOKHI SAY MUJH SAY KAHA HAUSLA

HO BHI DAAMAN MAIN IS SAY SIWA AUR KIA
MAIRI DAULAT MIRA BAY BAHA HAUSLA

[waqar_masood]

waqar zaidi sahib,

janab assalam oalaikum

kamal ki radeef hay janab , aur kamal ki ghazal ..share kernay ka buhut shukria, meri janib say bay had daad qubool kerain..

wassalam

waqar masood

[najma]

waah waqar zaidi sahib!
bohat umdah kalam share kiya hay aapne, masha allaah
dheroN daad qubool kijiye

[Waqar Zaidi]

QABIL E SAD AHTARAAM HASHMAT USMANI SAHIB, MOHTARAM WAQAR MASOOD SAHIB AUR MOHTARMA NAJMA SAHIBA ! MAIN AAP SAB KA BAIHAD SHUKR GUZAR HOON KEH AAP NAY MAIRI GHAZAL KO PASAND FARMA KAR MAIRI HAUSLA AFZAI KI . YAQEEN JANIYE KEH MAIRAY PAAS WOH ALFAAZ HI NAHIN HAIN JINHAIN MAIN AAP KI NAZR KAR SAKOON .ALLAH KAREEM AAP SAB KO HAMAISHA KHUSH RAKKHAY AUR HAR HAR GAAM PAR KAMYABIYAAN AUR MUSARRATAIN AAP KA MUQADDAR HON . AAMEEN .

KHAIR ANDAISH,

WAQAR ZAIDI.

[little abbasi]

SALA/\/\.

WAH BOHAT KHOOB JI.

ATTIQ ABBASI