sathiyo!
aadaab!
ek ghazal ap sab ki nazr hay, pasand aey to zaroor aaggah farmaiye.
asaatizah-kiraam ki raey ki bhi muntazor rahoongii.
khair andesh
najma


arz hay
========================

saathiyo!
aadaab
aap meiN se kuch saathii hamarii ghazal ko urdu
hamarre kuch saathiyoN, khusuusi taur pe waqar sahib najm sahib aur khurram ko hamari ye ghazal urdu meiN nazar nahii aasakii, lihaza ab ham, un ke hukm ki ta,meel meiN, ise roman meiN bhi pesh kar rahay haiN.



sunte haiN, raqeeboN se mulaaqaat karo ho
phir jee ko jalane ki wohii baat karo ho

mazloom ko soolii pe chaRhaa dete haiN haalaat
aiy dosto! kya shikwa-e-haalaat karo ho

karne ko maiN wa,doN pe yaqeeN kalooN tumhaare
har roz magar tum to naee baat karo ho

is darjah sulagte huey mausim meiN bhi logo!
zondah ho agar tum, to karamaat karo ho

jannat se nikaale huey insaan ke beTo!
dunyaa ko bhi dunyaa-e-kharaabaat karo ho

apnoN ki sii chaahat hay na GhairoN ki sii nafrat
dunya se niraalii hiihar-ik baat karo ho

saawan ka guzartaa hua baadal tha wo NAJMA!
tum jis ke liye ash,koN ki barsaat karo ho

NAJMA ANSAR NAJMA

Dear Najma jee,
aadaab,

aap kee ghazal paRh kar mohtaram buzrug shaa'ir Kaleem Ajiz kee aik ghazal yaad aa ga'ee jiss kee bhee yahee zameen thee, voh ghazal tau mujhe yaad naheeN hai magar aik she'r kaa aik misra' yaad hai jo ke kuch yooN hai shaayad:
"daaman pe koyee daagh...........
tum qatl karo ho yaa karaamaat karo ho"

aap kee ghazal pasaNd aayee aur khar taur par matla' buhat khoob hai,
daad qubool kijiye!

mukhliS
Naheed

naheed sahiba!
aadaab

wo sher, yuuN hay

khanjar pe koee khoon na daman pe koee daaGh
tum qatl karo ho ya karamaat karo ho


ghazal pasand karne aur hausla fazaaee ke liye bohat shukriya
khush rahiye
najma

Kaleem Ajiz:

daaman peh koyee ch`eeNT nah Khanjar peh koyee daaGh
tum qatl karo ho keh karaamaat karo ho

Sarwar A. Raz :Sarwar:

Najma baji

salaam arz hai

aap ki ye ghazal dekhi aur bahot pasand aayee

matle ke misra-e-caani meiN "vohi" munasib nahin lag rahaa, ye sirf meri zaati raaye hai jo ghalat bhi ho sakti hai ;)

she'r no. 2 aur teen to paRh ker lutf aa gayaa :

mazloom ko sooli pe chaRhaa dete haiN Haalaat
ae dosto !! kia shikva-e-haalaat karo ho

karne ko yaqeeN kar looN maiN baatoN pe tumhaari
her roz magar tum to nayee baat karo ho

bahot khoob, deegar ash'aar bhi pasand aaye, maqta bhi khoob hai :)

amjad

Sarwar Raz wrote:Kaleem Ajiz:

daaman peh koyee ch`eeNT nah Khanjar peh koyee daaGh
tum qatl karo ho keh karaamaat karo ho

Sarwar A. Raz :Sarwar:

janab sarwar a.raz sahib!
saheeh she,r batane ka bohat shukriya

najma

najma sahiba, aadaab!

aap kii Ghazal pasand aayii. daad qubuul farmaaiye!

niyaazmand,
Irfan :Abid:

ghazalk nazar hi nahi a rehi mujhay

waqar_masood wrote:ghazalk nazar hi nahi a rehi mujhay

hellooo...JOIN the CLUB

Ibn-e-siddique wrote:Najma baji

salaam arz hai

aap ki ye ghazal dekhi aur bahot pasand aayee

matle ke misra-e-caani meiN "vohi" munasib nahin lag rahaa, ye sirf meri zaati raaye hai jo ghalat bhi ho sakti hai ;)

she'r no. 2 aur teen to paRh ker lutf aa gayaa :

mazloom ko sooli pe chaRhaa dete haiN Haalaat
ae dosto !! kia shikva-e-haalaat karo ho

karne ko yaqeeN kar looN maiN baatoN pe tumhaari
her roz magar tum to nayee baat karo ho

bahot khoob, deegar ash'aar bhi pasand aaye, maqta bhi khoob hai :)

amjad

azizam amjad!

((matle ke misra-e-caani meiN "vohi" munasib nahin lag rahaa, ye sirf meri zaati raaye hai jo ghalat bhi ho sakti hai ;)))

shukriya. maiN is ke bare meiN sochoongii

aur baqi jo ash,aar aap ko pasand aey, main mamnoon hooN.
hausla-afzaaee ka bohat shukriya
khush rahiye
ab shukriya meiN aur kya kahooN?
kuch phool pesh karooN?
lol

lijiye
hazaroN----------lol

najma ji abhi bhi nazar nahi a rehi ..ab to mein log in ho ker aya hoon phir bhi....................

waqar_masood wrote:najma ji abhi bhi nazar nahi a rehi ..ab to mein log in ho ker aya hoon phir bhi....................

herat hay waqar sahib!
auroN ko to nazar araha hay aur reply bhi kiya .
ek baat poochooN?
aap ne apne interner service k wajibaat ada kiye haiN ya naheeN :P


khair---mazaq bar-taraf
waqaee he herat ki baat hay.
deegar nazireen se guzarish hay keh agar unko nazar araha hay to bataiye pleeeeeeeeeeeeeeeeeeeezzzzzzzzzzzzzzzzzzzzzz
najma

najma wrote:sathiyo!
aadaab!
ek ghazal ap sab ki nazr hay, pasand aey to zaroor aaggah farmaiye.
asaatizah-kiraam ki raey ki bhi muntazor rahoongii.
khair andesh
najma


arz hay

Assalaam o alekum,



Najma baaaji aapki yeh ghazal sabko nazer aarahi lekin mujhe kyoon nazer nahin aarahi ???

khurram_shaikh wrote:

najma wrote:sathiyo!
aadaab!
ek ghazal ap sab ki nazr hay, pasand aey to zaroor aaggah farmaiye.
asaatizah-kiraam ki raey ki bhi muntazor rahoongii.
khair andesh
najma


arz hay

Assalaam o alekum,



Najma baaaji aapki yeh ghazal sabko nazer aarahi lekin mujhe kyoon nazer nahin aarahi ???

khurram!
sorry, keh apko nazar nahii aarahii.chashma laga ke dekhiye shayad------