رسی تو جل گئی ہے مگر بل نہیں گیا

[ismail ajaz]

یہ کلام ۲۹ مئی ۲۰۲۳ میں لکھا گیا تھا
قارئین کرام ایک تازہ کلام پیشِ خدمت ہے ، امید ہے پسند آئے گا
عرض کیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تیرا غرور خاک میں کیا ڈھل نہیں گیا
رسی تو جل گئی ہے مگر بل نہیں گیا

تُو نے ہے سر اُٹھایا بغاوت میں آج پھر
لحمہ تری پکڑ کا ابھی ٹل نہیں گیا

تیرے فریب نے ترا چہرہ کیا عیاں
تیرا ہی تیر تجھ پہ بتا چل نہیں گیا

قاتل نے کس طرح سے اُسے قتل کردیا
مقتول قتل ہو گیا مقتل نہیں گیا

شاہی سواری پیش اُسے کیجیے حضور
باہر جو ملک سے کبھی پیدل نہیں گیا

حاکم تھا وقت کا جسے معزول ہے کیا
اُس کے مزاجِ سے رُخِ کومل نہیں گیا

کھایا نہ آپ نے تھا کبھی اس طرح کا پھل
مل آپ کو نصیب سے وہ پھل نہیں گیا

دی لوگوں نے ہَوا سدا اُس وقت تک خیالؔ
جب تک سلگتی آگ سے گھر جل نہیں گیا
۔۔۔۔۔۔۔۔۔۔۔۔
آپ کی توجہ کا طلبگار
اسماعیل اعجاز خیالؔ