آستیں میں رہے گا یہ مار اب نہیں
Posted: Sat Dec 07, 2024 12:25 am
یہ کلام ۱۴ مئی ۲۰۲۴ میں لکھا گیا تھا
قارئین کرام ایک تازہ کلام پیشِ خدمت ہے ۔
امید ہے پسند آئے گا
عرض کیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔
تجھ پہ تھا میرے یار اعتبار اب نہیں
تھا کبھی دل میں تجھ سے جو پیار اب نہیں
غیر پر مہرباں دشمن دلبراں
آستیں میں رہے گا یہ مار اب نہیں
ہوشیاری دکھا مت ہمیں آج تو
آدمی تو بھی تھا ہوشیار اب نہیں
دل ہے گھائل مرا جان جاں اب تلک
ہو گا تیر نظر آر پار اب نہیں
ہم ترے گیت گاتے رہے صبح و شام
تھی محبت ہمیں بےشمار اب نہیں
ہو گیا کھیل جذبات کا رائیگاں
دل ترے عشق سے دلفگار اب نہیں
اب ترے بن ہے دل کو سکون آ گیا
پہلے جیسا یہ دل بے قرار اب نہیں
تو مرے دل سے جب سے ہے اترا خیالؔ
دل پہ چھایا تھا تیرا خمار اب نہیں
۔۔۔۔۔۔۔۔۔۔۔۔۔۔
آپ کی توجہ کا طلبگار
اسماعیل اعجاز خیالؔ