ہنر سیکھیے زندگی کے سفر کا

[ismail ajaz]

یہ کلام ۷ اکتوبر ۲۰۲۴ میں لکھا گیا تھا
قارئین کرام ایک تازہ کلام کے ساتھ حاضرِخدمت ہوں امید ہے پسند آئے گا

عرض کیا ہے
۔۔۔۔۔۔۔۔۔۔۔۔۔
کہا رد نہ کرنا کسی معتبر کا
ادب سے تقاضا ہے حسن نظر کا

میں اپنے ہی اطراف میں گھر چکا ہوں
پتہ دیجیے مجھ کو میرے ہی گھر کا

کہاں سے چلا تھا کہاں پر کھڑا ہوں
نہیں مجھ کو ادراک اپنے سفر کا

کوئی تو دکھائے اسے اس کی منزل
جو بھٹکا ہے راہی ادھر کا ادھر کا

خدا کے سوا کون مشکل کشا ہے
گدا کیوں ہو انسان غیروں کے در کا

مرا ہاتھ تھامو مرا ساتھ دو تم
بنو ہمسفر تم ہی میری ڈگر کا

تمہیں زندگی کی ملیں ساری خوشیاں
فقط ہو محبت صلہ عمر بھر کا

محبت کی راہوں کو آسان کر کے
ہنر سیکھیے زندگی کے سفر کا

خیالؔ آپ سے ہے ہمیں تو محبت
سخن آپ کا ہے محبت نگر کا
۔۔۔۔۔۔۔۔۔۔۔۔۔۔
آپ کی محبتوں کا طلبگار
اسماعیل اعجاز خیالؔ