اردو تو محبت سے ہمیں بول رہے ہیں

[ismail ajaz]

یہ کلام ۱۲ جولائی ۲۰۲۵ میں لکھا گیا تھا

قارئین کرام ایک تازہ کلام پیشِ خدمت ہے ، امید ہے پسند آئے گا
عرض کیا ہے
۔۔۔۔۔۔۔۔۔۔۔۔۔۔۔۔۔۔۔
جو اہلِ محبت ہیں الگ ان کا جہاں ہے
جس میں نہیں نفرت کا کوئی نام و نشاں ہے

جو کہتے ہیں اس ملک نے ہم کو ہے دیا کیا
سن لیں ، انہیں رہنے کو دیا دل میں مکاں ہے

چلتے ہیں بغاوت کا علم لوگ اٹھا کر
کہتے ہیں غلامی سے نہیں جینا یہاں ہے

سر تن سے جدا ہو گا کہیں جو بھی اٹھے گا
بخشا نہیں جائے گا یہاں ہے کہ وہاں ہے

نفرت کی لگی آگ میں انسان جلے گا
نفرت میں سلگنے سے ہی نفرت کا دھواں ہے

اب اہلِ ادب میں بھی محبت نہیں باقی
نفرت کا فروغ ان کی یہ نفرت کی زباں ہے

اردو تو محبت سے ہمیں بول رہے ہیں
ہم جیسا زمانے میں طرح دار کہاں ہے

دنیا سے ہمیں لوٹ کے جانا تو ہے اک دن
کیا ہو گا وہاں حشر نہیں وہم و گماں ہے

تاریخ بتاتی رہی انساں کو ہمیشہ
فرعون خیالؔ آج بھی عبرت کا نشاں ہے
۔۔۔۔۔۔۔۔۔۔۔۔۔۔۔۔۔۔۔
آپ کی محبتوں کا طلبگار
اسماعیل اعجاز خیالؔ