آپ لوگوں سے نظریں چرانے لگے

[ismail ajaz]

یہ کلام ۲ ستمبر ۲۰۲۵ کو لکھا گیا تھا

قارئین کرام ایک تازہ کلام کے ساتھ خیال کا آداب ، امید ہے پسند آئے گا
عرض کیا ہے
۔۔۔۔۔۔۔۔۔۔۔۔۔۔۔۔
ہم محبت میں پلکیں بچھانے لگے
آپ نظریں بچا کر ہیں جانے لگے

زندگی ہم پہ کرتی رہی جب ستم
آ کے اپنے پرائے ستانے لگے

کس طرح آپ پر ہم بھروسا کریں
آپ دامن جو ہم سے چھڑانے لگے

وقت کی آزمائش نے پرکھا ہمیں
درد پل پل ہمیں آزمانے لگے

جب ہمیں اپنے لوگوں نے ٹھکرا دیا
ہم سے دشمن محبت جتانے لگے

دل سے دل مل گئے پھول سے کھل گئے
غم بھلا کر سبھی کھلکھلانے لگے

دل جو ٹوٹا تو ہونے لگا دردِ دل
زخم ہو کر ہرے مسکرانے لگے

دوستوں نے کنارہ کشی ہم سے کی
ہم جہاں ان کے نزدیک آنے لگے

آپ کی کھل گئی جب حقیقت خیالؔ
آپ لوگوں سے نظریں چرانے لگے
۔۔۔۔۔۔۔۔۔۔۔۔۔۔۔۔۔۔۔۔۔۔
آپ کی توجہ کا طلبگار
اسماعیل اعجاز خیالؔ