Sher ke doosre misre ke pehle/aakhri alfaaz se sher kahiye!

Post by **Shummu** » Wed Jan 05, 2005 3:49 pm

aag hai pani hai mitti hai hawa hai mujh mein
aur phir man_na padta hai ki khuda hai mujh mein

aur/meiN

Post by **Hashmat Usmani** » Thu Jan 06, 2005 12:12 am

maiN

maiN huuN aur afsurdagii kii aarzoo, Ghaalib!" ki dil
dekh kar tarz-e-tapaak-e-ai'hl-e-dunyaa jal gayaa?

Ghaalib

lafze-e-"dekh" ya lafz-e-"gayaa" se agla she'r marHamat farmaaiye, shukria.

Post by **Shummu** » Thu Jan 06, 2005 12:14 pm

log thak haar ke so jaate haiN lekin jaanaaN
humne khush ho ke tera dard sahaa shaam ke baad!!!

HUMNE/BAAD

Post by **Hashmat Usmani** » Fri Jan 07, 2005 12:54 am

ham

ham the marne ko khaRe, paas na aayaa na sahii
aaKhir us shoKh ke tarkash meN koii teer bhii thaa?

Ghaalib

lafze-e-"thaa" ya lafz-e-"aaKhir/aKheer" se agla she'r marHamat farmaaiye, shukria.

Post by **Shummu** » Fri Jan 07, 2005 12:53 pm

oops maine bhi sher likh diya tha aakhir se... maine delete kar diya :)

nahi us LAFZ se SHURU hona chaahiye :D

Post by **Ibn-e-siddique** » Wed Jan 12, 2005 4:34 am

thaa zindagi meiN maut ka khaTkaa lagaa hua
uRne se peshtar bhi miraa raNg zard tha

uRne / tha

Post by **Shummu** » Wed Jan 12, 2005 4:03 pm

tha ab tak maa'rka baahar ka darpesh
abhi to ghar bhi jaana hai yahaaN se

abhi/se

Post by **Hashmat Usmani** » Thu Jan 13, 2005 3:58 am

abhii

abhii aatii hai boo! baaliiN se uskii zulf-e-mushkiiN kii
hamaarii diid ko Khowaab-e-ZulaiKha, 'aar-e-bistar hai?

Ghaalib

lafze-e-"hamaarii" ya lafz-e-"hai" se agla she'r marHamat farmaaiye, shukria.

Post by **Ibn-e-siddique** » Thu Jan 13, 2005 4:56 am

hai mujh pe taa'na zan khud mera aHsaas
tamanna apni qeemat kho rahi hai

khusha ye tarz-e-taa'zeem-e-mohabbat
ye taa'zeem-e-mohabbat ho rahi hai

gham-e-furqat ka shikva karne vaali
meri maujoodgi meiN so rahi hai :D :D

Jaun Eliya

meri / hai

Post by **Hashmat Usmani** » Thu Jan 13, 2005 6:06 am

hai

hai bas_ki har ik unke ishaare meN nishaaN aur
karte haiN moHabbat to guzartaa hai gumaaN aur?

Ghaalib

lafze-e-"karte" ya lafz-e-"aur" se agla she'r marHamat farmaaiye, shukria.

Post by **Shummu** » Thu Jan 13, 2005 8:18 pm

Aur Kab Tak Bhool Payein Gey Na Teri Daastaan
Zikr Mera Hi Rahey Ga Tere Afsaaney Kay Baad

Zikr/Baad

Post by **Ibn-e-siddique** » Fri Jan 14, 2005 8:03 pm

gayaa daur-e-sarmaaya daari gayaa
tamaasha dikha ke madaari gayaa

tamaasha / gayaa

Post by **Shummu** » Sat Jan 15, 2005 12:26 pm

tamasha na ban jaaye kahin mohabbat meri
isi liye apne dard ko namoodaar nahi karti

ISI/KARTI

Post by **Ibn-e-siddique** » Sun Jan 16, 2005 6:51 am

abhi abhi tumheN socha to kuch na yaad aaya
abhi abhi ham ik doosre se bichRe the

A.N.Qasmi

abhi / the

Post by **Hashmat Usmani** » Sun Jan 16, 2005 7:13 am

salaam Saara,

aapke she'r ke dusre misr'e ke pahle ya aaKhrii lafz se she'r mujhe denaa hogaa aur vo alfaaz haiN "abhii" ya "se". ab lafz-e-"SE" se to koii she'r shur'uu hone se rahaa is liye lafz-e-"abhi" se she'r 'arz hai:

abhii

abhii ham qatl_geh ka dekhnaa aasaaN samajhte haiN
nahiiN dekhaa sanaa dar joo-e-KhuuN meN tere tausan ko?

Ghaalib

lafze-e-"nahiiN" ya lafz-e-"ko" se agla she'r marHamat farmaaiye, shukria.