Radeef Pathar ki, aik ghazal

[Mahtab Qadr]

Aik Ghazal , Radeef pathar ki , paish e khidmat hai aap sab ki aara ka intezaar hai.

bahut hi khoon bahaa ,tab kahiN uthaa pathar
Nahee haiN taupeiN jahaaN, unka aasra pathar

ye aik naiki bahut qeemti hai heeroN sey
kisi ki rah se jo tum ne hataa dia pathar

baney na bojh ghazal par radeef pathar ki
ye sochte hi , qalam ne uthaa lia pathar

na jaane kab se mai in patharoN ke gaoN mai hoN
dilo nigaah bhi pathar , har ek anaa pathar

muqaam barh gaya pathar ka , lams e kaaba se
magar khudaa to kabhi bhi na bansakaa pathar

tu apne chahre ki be raunaqi nazar mai rakh
phir uske baad hi mahtaab par uthaa pathar

[waqar_masood]

wah wah mahtab sahib

kamal ki ghazal kahi

parh ke rlutf a gaya

matlaa intehayee khubsoorat sher hay

mubarak ho aisee khubsoorat ghazal kehnay per

waqar masood

[Mahtab Qadr]

Waqar Masood sahib , hausla afzai ke lye mamnoon noN.
shukria
Mahtab Qadr

wah wah mahtab sahib

kamal ki ghazal kahi

parh ke rlutf a gaya

matlaa intehayee khubsoorat sher hay

mubarak ho aisee khubsoorat ghazal kehnay per

waqar masood

[Shummu]

wah wah MAhtaab sahab wahhhhhhhhhhhhhh.....kis khoobsurati se aap ne ashaar qalam band kiye hai..mashaALlah....itna zabardast radeef upar se itne zabardast ashaar....mazaa aa gaya paRhke.... bahut bahut daad-o-mubarakbaad haazir hai itna khoobsurat likhne pe :) Main to kho si gayi alfaaz ke hair phair mein...really very poetic!

Shumaila

[Shummu]

P.S: pehle sher mein shayad kuch typo hai..dekh lijiyega!:)

[Mahtab Qadr]

shummu behad shukria qadardaani aur daad o himmat afzai e lye mashkoor o mamnoon hoN.
mahtab qadr

[irfan abid]

Mahtab Sb, aadaab!

patthar kii radeef meN aap ne achchhe mazaameen baaNhde haiN. daad qubuul farmaaiye!

niyaazmand,
Irfan :Abid:

[Mahtab Qadr]

Shukria Irfan Sahib , aap ke in mukhtasar lafzon ne bhi himmat afzai ki, bahut mamnoon hoN aapka.
niazmand
Mahtab Qadr

[Mahtab Qadr]

Shukria Irfan Sahib , aap ke in mukhtasar lafzon ne bhi himmat afzai ki, bahut mamnoon hoN aapka.
niazmand
Mahtab Qadr

[Ibn-e-siddique]

Assalam-o-alaikum

Mahtab saHib, kia aap is ghazal ki file phir se upload kar sakte haiN, is liye ke mujhe aap ki ghazal nazar nahiN aa rahi.

aap aik baar dekh leejiye

shukria

amjad

[Mahtab Qadr]

Aik Ghazal , Radeef pathar ki , paish e khidmat hai aap sab ki aara ka intezaar hai.

[Star Mind]

moHtaram Sarfaraz SaaHib, aadaab

waaye hamaari kam-nigaahi k aap ki itnee KhoobSoorat Ghazal par naz^ar na paRsakee

janaab-e-a'aali , aap ne is radeef ka Haq hi adaa krdiyaa ! ham to wese bhi aap k hamesha se madaaH rahe haiN , wajh aap apnaa kalaam dekh kar pata karlejeye ! ;) .

majaal hai jo aek bhi Ghazal kamaal ki na ho !

maan gaye SaaHib !

dar Haqeeqat ham ne aap se bohut kuchh seekhaa hai aur inshaa Allah ye silsila ta dam-e-marg jaaree rahegaa !

hameN to aap k sabhi ash'aar ne muta'accir kiyaa hai ! meeri jaanib se DheroN daad qabool farmaaye !

shukriya

moKhliS : Zia Baloch

[Mahtab Qadr]

Bradar e Azeez Zia sahib
walaikum aadaab
aray aap kuch ziada hi munkasir ul mizaaj ho rahe haiN aur phir mujhe itna na sharminda kijiye bhai mai sirf sher kahta hoN is se ziada mujhe kuch nahi maloom ke shayeri ke rumooz o asraar kia kia haiN seekhne ke lye sites par asatiza maujood haiN aur mai khud bhi aik talib e ilm hoN aapki mohabbatoN ka behad shukria . Allah aapko hamesha khush rakhay.
aapka bhai
Mahtab Qadr

[Ibn-e-siddique]

Mahtab saHib

salaam arz hai

aap ki ye ghazal ba.radeef-e-patthar vaaqai bahot umda hai.

is kaamiyaab kaawish per aap yaqeenan daad aur mubarak.baad ke mustaHiq haiN

reit se but na banaa ae mire ache fankaar
aik lamHe ko Theher main tujhe pathar laa dooN

umeed hai isi taraH apne kalaam se hameN mustafeez farmaate raheN ge

amjad

[Mahtab Qadr]

Janab e Amjad sahib
walaikum salaam
Hausla afzaioN ka behad shukria, aap ka sher bhi pasand aaaya,
reit se but na banaa ae mire ache fankaar
aik lamHe ko Theher maiN tujhe pathar laa doN
waah wah waah
niazmand
Mahtab Qadr