guz#13 ke misre per nazm by haamidbaaqri

[haamidbaaqri]

salaamun alaikum
dosto
aap sabko eid mubarak ho

aapke diye hue misre per ek adna see kaavish
gar qubool uftad zahe......

"shaatir shaitaan"


shaatiraanaH chaal se shaitaa.n hame.n behkaaye hai
jab talak insaa.n na behke chaiyn woh kab paaye hai

aadmi ghaflat mei.n hota hai magar shaitaa.n nahi.n
mouqa^ milne per yeH gahri khaayee mei.n pahu.nchaaye hai

nekiyaa.n hum karna chaahe.nge to rokega nahi.n
jaldi kya hai b^aad mei.n karlena yeh samjhaaye hai

iske behkaave mei.n jo aajaaye sunlo dosto
jaa.nkani ke waqt beshak woH bahut pachtaaye hai

nekiyaa.n gar kar bhi lega aadmi to phir osay
hum se accha kaun hai ke jaal mei.n phanswaaye hai

bach nikalta hai jab insaa.n is gunaH se bhi agar
tab riyaakari ke sh^olo.n mei.n osay jhulsaaye hai

dil mei.n ghar karle kisee ke yeH riyaakaari agar
"haai kya kahiye keH dil ke saath kya kya jaaye hai"

isse bachna hai to haamid maang lo rab ki panaaH
bas isee hathyaar se shaitaan ko maut aaye hai

nateejaye fikr
haamidbaaqri
al hamdulillah

[haamidbaaqri]

Janab Haamid Baaqri sahib,


tasleemat,


tarahi misrea per aapki nazm bahut hi khoob hei. meri dili daad aur mubarakbad qubool farmayiye.

khair andesh,
Duny DeHlawi,

salaamun alaikum
mohtarama duny dehlawi saahebah

bahut bahut shukriya aapki purkhuloos daad ka.

allah(sbhnwt)aap per apni rehmato.n ki baarish kare.aameen

mukhlis
haamidbaaqri

[RAUSHNEE]

Bohat ala Hameed Sahab...

Bohat he khoobsorat Kalaam pesh keeya aap nay.....

Daad qubool keejyee

Maushairay ko aj kal issi kism k kalaam ki sakhat zarorat hai


RAUSHNEE

[haamidbaaqri]

Bohat ala Hameed Sahab...

Bohat he khoobsorat Kalaam pesh keeya aap nay.....

Daad qubool keejyee

Maushairay ko aj kal issi kism k kalaam ki sakhat zarorat hai


RAUSHNEE

salaamun alaikum
mohtarama raoshni sahebah

hausla afzaayee aur aapki khoobsoorat daadke hum behad mamnoono mashkoor hai.n.
allah(sbhnwt)aap per apni rehmato.n ki baarish kare.aameen

mukhlis
haamidbaaqri

[Abdullah Nazir]

MuHtarami
Haamid Baaqri SaaHib,

PurkhulooS tasleemaat,

Aapki nazm beHad pasand aayi jiske liye meri daad aur mubaarakbaad qubool farmaayiye.

MulaaHizaat

shaatiraanaH chaal se shaitaa.n hame.n behkaaye hai
jab talak insaa.n na behke chaiyn woh na paaye hai

MaTlaA khoob hei. Doosre miSreA meiN "nah" ko "naa" ke vazn per isteAmaal karne kii micaaleN isqadar shaaz o naadir heiN ke gurez karnaa chaahie. (miSreA ko yooN kerleejiye: "jab talak insaaN nah behke chain wo kab paayhe hei" yaa jaise bhii aap munaasib samjheN.

aadmi ghaflat mei.n hota hai magar shaitaa.n nahi.n
mouqa^ milne per yeH gahri khaayee mei.n pahu.nchaaye hai

Jee bahut khoob.

nekiyaa.n hum karna chaahe.nge to rokega nahi.n
jaldi kya hai b^aad mei.n karlena yeh samjhaaye hai

yeh bhi bahut achchaa sheAr hei. aap ne shaiTaan ki khoob khinchaayi kii hei.

iske behkaave mei.n jo aajaaye sunlo dosto
jaa.nkani ke waqt beshak woH bahut pachtaaye hai

bilkul saHeeH farmaayaa aap ne. YooN tou her waqt hii pachtaataa hei lekin jaaNkani ke waqt bahut pachtaataa hei.

nekiyaa.n gar kar bhi lega aadmi to phir osay
hum se accha kaun hai ke jaal mei.n phanswaaye hai

is sheAr meiN "ham se achchaa kaun hei" kii ibaarat kaa zaahiri Taur per aadmi se taAlluq paidaa karnaa mushkil hei lekin mafhoom ke liHaaz se baat samajh meiN aajaati hei keh shaiTaan aadmi ko takabbur ke jaal meiN phansaata hei. waah.

bach nikalta hai jab insaa.n is gunaH se bhi agar
tab riyaakari ke sh^olo.n mei.n osay jhulsaaye hai

jee achchaa sheAr hei.

dil mei.n ghar karle kisee ke yeH riyaakaari agar
"haai kya kahiye keH dil ke saath kya kya jaaye hai"

jee haaN riyaakaari agar dil meiN ghar karle tou insaan Haq o BaaTil ke darmiyaaN farq nahiN kar saktaa aur us kii kitni hii doosri achchaayiaaN houN koi vazn nahiN rakhteeN aur naaqaabil-e-eAtibaar houjaati heiN.. Bahut khoob.

isse bachna hai to haamid maang lo rab ki panaaH
bas isee hathyaar se shaitaan ko maut aaye hai

Jee HaaN Haamid SaaHib aap ne sach farmaayaa ke allah se panaah maangnaa hi aek aisa vaseelah hei jo hameN shaiTan ke kaid o makr se bachaataa hei. Waah waah.

Aapke andaaz meiN kahi houi yeh nazm bahut achchi hei jiske liye maiN dobaarah aapko daad o teHseen pesh kartaa hooN.


Aapka MukhliS,
Nazir.

[haamidbaaqri]

MuHtarami
Haamid Baaqri SaaHib,

PurkhulooS tasleemaat,

mohtaram abdullah nazir saahib
salaamun alaikum

Aapki nazm beHad pasand aayi jiske liye meri daad aur mubaarakbaad qubool farmaayiye.

bahut bahut shukriya jazakallah

MulaaHizaat

shaatiraanaH chaal se shaitaa.n hame.n behkaaye hai
jab talak insaa.n na behke chaiyn woh kab paaye hai

MaTlaA khoob hei. Doosre miSreA meiN "nah" ko "naa" ke vazn per isteAmaal karne kii micaaleN isqadar shaaz o naadir heiN ke gurez karnaa chaahie. (miSreA ko yooN kerleejiye: "jab talak insaaN nah behke chain wo kab paayhe hei" yaa jaise bhii aap munaasib samjheN.

leejiye durust kardiya.allah(sbhnwt)aapko jazaaye khair de.aameen

aadmi ghaflat mei.n hota hai magar shaitaa.n nahi.n
mouqa^ milne per yeH gahri khaayee mei.n pahu.nchaaye hai

Jee bahut khoob.
shukriya

nekiyaa.n hum karna chaahe.nge to rokega nahi.n
jaldi kya hai b^aad mei.n karlena yeh samjhaaye hai

yeh bhi bahut achchaa sheAr hei. aap ne shaiTaan ki khoob khinchaayi kii hei.

shukriya. uski khinchaayee to hame.n musalsal karni padegee warna wo hame.n khainch dega

iske behkaave mei.n jo aajaaye sunlo dosto
jaa.nkani ke waqt beshak woH bahut pachtaaye hai

bilkul saHeeH farmaayaa aap ne. YooN tou her waqt hii pachtaataa hei lekin jaaNkani ke waqt bahut pachtaataa hei.

yahi qaule ahmede mursal(s.a.w.) hai.dua hai keh hamaare saath aisa na ho.aameen

nekiyaa.n gar kar bhi lega aadmi to phir osay
hum se accha kaun hai ke jaal mei.n phanswaaye hai

is sheAr meiN "ham se achchaa kaun hei" kii ibaarat kaa zaahiri Taur per aadmi se taAlluq paidaa karnaa mushkil hei lekin mafhoom ke liHaaz se baat samajh meiN aajaati hei keh shaiTaan aadmi ko takabbur ke jaal meiN phansaata hei. waah.

hame.n khushee hai keh hamaari mehnat kaamiyaab huee.

bach nikalta hai jab insaa.n is gunaH se bhi agar
tab riyaakari ke sh^olo.n mei.n osay jhulsaaye hai

jee achchaa sheAr hei.

shukriya.mohtaram

dil mei.n ghar karle kisee ke yeH riyaakaari agar
"haai kya kahiye keH dil ke saath kya kya jaaye hai"

jee haaN riyaakaari agar dil meiN ghar karle tou insaan Haq o BaaTil ke darmiyaaN farq nahiN kar saktaa aur us kii kitni hii doosri achchaayiaaN houN koi vazn nahiN rakhteeN aur naaqaabil-e-eAtibaar houjaati heiN.. Bahut khoob.

shukriya.is gunaH se allah(sbhnwt)har insaan ko mahfooz rakkhe.aameen

isse bachna hai to haamid maang lo rab ki panaaH
bas isee hathyaar se shaitaan ko maut aaye hai

Jee HaaN Haamid SaaHib aap ne sach farmaayaa ke allah se panaah maangnaa hi aek aisa vaseelah hei jo hameN shaiTan ke kaid o makr se bachaataa hei. Waah waah.

shukriya.

Aapke andaaz meiN kahi houi yeh nazm bahut achchi hei jiske liye maiN dobaarah aapko daad o teHseen pesh kartaa hooN.

aik baar phir hamaari adna see kaavish per ^aarifaana tabsarey keliye hum aapke behad shukrguzaar hai.n.
allah(sbhnwt)aapke taufeeqaat mei.n mazeed ezaafa farmaaye aur aapko salaamat rakkhe.aameen

aapka mukhlis
haamidbaaqri


Aapka MukhliS,
Nazir.

[haamidbaaqri]

hamid sahib

adaab arz hei.

aapki ghazal bohat apsand aayi.......aapka aek alag andaz hai
jo mujhe bohat pasand aata hai...aek sabaq aur yaad dehani hoti hai jo waqai humein nahi bhoolna chaahiye.

itni umda kavish per daad qubool keejiye

sara

"shaatir shaitaan"


shaatiraanaH chaal se shaitaa.n hame.n behkaaye hai
jab talak insaa.n na behke chaiyn woh kab paaye hai

aadmi ghaflat mei.n hota hai magar shaitaa.n nahi.n
mouqa^ milne per yeH gahri khaayee mei.n pahu.nchaaye hai

nekiyaa.n hum karna chaahe.nge to rokega nahi.n
jaldi kya hai b^aad mei.n karlena yeh samjhaaye hai

iske behkaave mei.n jo aajaaye sunlo dosto
jaa.nkani ke waqt beshak woH bahut pachtaaye hai

nekiyaa.n gar kar bhi lega aadmi to phir osay
hum se accha kaun hai ke jaal mei.n phanswaaye hai

bach nikalta hai jab insaa.n is gunaH se bhi agar
tab riyaakari ke sh^olo.n mei.n osay jhulsaaye hai

dil mei.n ghar karle kisee ke yeH riyaakaari agar
"haai kya kahiye keH dil ke saath kya kya jaaye hai"

isse bachna hai to haamid maang lo rab ki panaaH
bas isee hathyaar se shaitaan ko maut aaye hai

nateejaye fikr
haamidbaaqri
al hamdulillah

salaamun alaikum
mohtaramah sara saahebah

aapki pukhuloos daad ke hum behad mamnoono mashkoor hai.n.

aaiye hum dua kare.n keh allah(sbhnwt) har insaan ko is shaitaan ke shar se mahfooz rakkhe.aameen

jazakallah

mukhlis
haamidbaaqri