Aek seedhi saadah Taazah Ghazal: Abdullah Nazir.
Moderator: Muzaffar Ahmad Muzaffar
-
Abdullah Nazir
- -
- Posts: 2681
- Joined: Sat Dec 11, 2004 4:16 am
- Location: Jeddah
- Contact:
Aek seedhi saadah Taazah Ghazal: Abdullah Nazir.
MuHtaramaat o MuHtarameen
aHbaab-e-bazm-e-sukhan,
PurkhulooS tasleemaat, :rose
Apni aek maAmooli sii seedhi saadah ghazal lekar Haazir houaa hooN. Ummeed ke aap apni giraNqadr aaraa se mustafeed houne kaa mauqaA denge. Shukriyah.
GHAZAL roman meiN:
apne hi dil ko tou veeraanah banaa rakhkhaa hei
jaan-e-man jab se tujhe sar pah chaRhaa rakhkhaa hei
laakh dastak dooN, koiee poochne waalaa hi nahiN
kaun kehtaa hei keh darwaazah khulaa rakhkhaa hei
koie tou faiSlah-kun lamHa-e-deedar bhi hou
be-acar waAda o iqraar meiN kyaa rakhkhaa hei
meri deevaanagiy-e-shauq bhalaa kyaa kam thii
tuu ne kuch aur bhi deewaanah banaa rakhkhaa hei
teri hii dain heiN be-aasraa ashkaoN ke guhar
daaman-e-dil meiN jinheN maiN ne chupaa rakhkhaa hei
touRlo apne dikhaawe kaa taAlluq mujh se
be-vafaayi kaa agar naam vafaa rakhkhaa hei
ai zameeN tere liye meri jabeeN HaaZir hei
aasmaanaoN ke liye dast-e-duAaa rakhkhaa hei
dekhkar Haal miraa, pooch rahe heiN rehrau
MaiN hooN yaa aapkaa naqsh-e-kaf-e-paa rakhkhaa hei
Kyaa bataauN keh hei kyaa shaan-e-takhalluS :Nazir:
Ik diyaa apni hii turbat pah jalaa rakhkhaa hei.
Aapka MukhliS,
Nazir.
- Attachments
-
- ab_bo_7_f.JPG (88.15 KiB) Viewed 647 times
Last edited by Abdullah Nazir on Mon Jan 30, 2006 3:08 am, edited 1 time in total.
Re: Aek seehi saadah Taazah Ghazal: Abdullah Nazir.
wah wah saada hone ke bawajood bahut umda ghazal se nawaaza hai aapne Nazir sahab..dili daad pesh hai..khaaskar quoted ashaar bahut pasand aayeWEBMASTER wrote:
laakh dastak dooN, koiee poochne waalaa hi nahiN
kaun kehtaa hei keh darwaazah khulaa rakhkhaa hei
meri deevaanagiy-e-shauq bhalaa kyaa kam thii
tuu ne kuch aur bhi deewaanah banaa rakhkhaa hei
teri hii dain heiN be-aasraa ashkaoN ke guhar
daaman-e-dil meiN jinheN maiN ne chupaa rakhkhaa hei
touRlo apne dikhaawe kaa taAlluq mujh se
be-vafaayi kaa agar naam vafaa rakhkhaa hei
ai zameeN tere liye meri jabeeN HaaZir hei
aasmaanaoN ke liye dast-e-duAaa rakhkhaa hei
dekhkar Haal miraa, pooch rahe heiN rehrau
MaiN hooN yaa aapkaa naqsh-e-kaf-e-paa rakhkhaa hei
Kyaa bataauN keh hei kyaa shaan-e-takhalluS :Nazir:
Ik diyaa apni hii turbat pah jalaa rakhkhaa hei.
ek sawaal tha.... lafz 'rehrau' ke kya maayne hain??
Adaab,
Shumaila
Koi pooche humse hamaari haalat ka sabab
to ashk baha kar bhi baat adhoori reh jati hai
Waqt jaise kahin thehar sa gaya hai
Na Gham jaata hai na khushi aati hai
-
ramishjaan
- -
- Posts: 7
- Joined: Tue Jan 24, 2006 10:55 pm
- Location: germany
- Contact:
Re: Aek seehi saadah Taazah Ghazal: Abdullah Nazir.
AOA muhtram nazir sahib bazm ki rahon me pehli mulaqat he ap se ap ki ghazal parhi janab jo husn is ki sadgi me he wahhhh bohat khob meri janib se dili dad qabol ki jiye ga . maqte ne to huari bisrato ko jakar sa liya bohat hi umda maqata atta kiya he . waslam ramishjaan
-
Abdullah Nazir
- -
- Posts: 2681
- Joined: Sat Dec 11, 2004 4:16 am
- Location: Jeddah
- Contact:
Bahut bahut Shukriyah
SHUMMU,
PurkhulooS tasleemaat,
Aapko meri maAmooli si ghazal ke bahut saare ashAar pasand aaye jiske liye maiN aapka beHad shukrguzaar hooN.
Aap ne likhkhaa hei:
wah wah saada hone ke bawajood bahut umda ghazal se nawaaza hai aapne Nazir sahab..dili daad pesh hai..khaaskar quoted ashaar bahut pasand aaye
ek sawaal tha.... lafz 'rehrau' ke kya maayne hain??
Aap ne lafz "rehrau" ke maAni daryaaft kiye heiN. DaraSl yeh lafz "raahrau" kii takhfeef shudah shakl hei. Iske maAni heiN raah per chalne waala/waali. meraa miSraA jis meiN yeh lafz isteAmal houaa hei wo yooN hei:
dekhkar Haal miraa, pooch rahe heiN rehrau ;/u]
Is meiN yeh kahaa gayaa hei (meraa Haal dekhkar, raastah chalne waale pooch rahe heiN). Ummeed ke aapke sawaal kaa tashafi bakhsh javaab de sakaa.
Aapka MukhliS,
Nazir.
-
jawaid badauni
- -
- Posts: 810
- Joined: Sat Jan 01, 2005 5:38 am
- Contact:
MANZOOM DAAD.O.TAHSEEN
saadaa ashAAr men kya husn chupa rakhkha hai
kaise batlaaoN keh in sheroN meN kya rakhkha hai
ek ek sher nazar aata hai ek ek ghazal
yAAni her sher meN ghazaloN ka maza rakhkha hai
yeh lub.o.lahja yeh andaaze takallum SaHab
fikr meN husn-e taGhazzul bhi mila rakhkha
wazn yaksaaN hai to me'yaar-e suKhaN bhi yaksaaN
yooN to har she'r se har she'r juda rakhkha hai
waah kya kahna yeh “be aasra ashkoN ke guhar”
dil ke daaman meN jinhen sub se chupa rakhkha hai
waah kya baat hai kardee hai jibeeN nazr-e zimeeN
aasmanoN ki taraf haath uTha rakhkha hai
fikr-e "NaZir" ka yeh andaaz to dekho “Jawaid”
ik chiraaGh apni hi turbat peh jalaa rakhkha hai
Jawaid Badauni
Muscat - Oman
Last edited by jawaid badauni on Mon Jan 30, 2006 10:52 am, edited 1 time in total.
Re: Bahut bahut Shukriyah
WEBMASTER wrote:
SHUMMU,
PurkhulooS tasleemaat,
Aapko meri maAmooli si ghazal ke bahut saare ashAar pasand aaye jiske liye maiN aapka beHad shukrguzaar hooN.
Aap ne likhkhaa hei:
wah wah saada hone ke bawajood bahut umda ghazal se nawaaza hai aapne Nazir sahab..dili daad pesh hai..khaaskar quoted ashaar bahut pasand aaye
ek sawaal tha.... lafz 'rehrau' ke kya maayne hain??
Aap ne lafz "rehrau" ke maAni daryaaft kiye heiN. DaraSl yeh lafz "raahrau" kii takhfeef shudah shakl hei. Iske maAni heiN raah per chalne waala/waali. meraa miSraA jis meiN yeh lafz isteAmal houaa hei wo yooN hei:
dekhkar Haal miraa, pooch rahe heiN rehrau ;/u]
Is meiN yeh kahaa gayaa hei (meraa Haal dekhkar, raastah chalne waale pooch rahe heiN). Ummeed ke aapke sawaal kaa tashafi bakhsh javaab de sakaa.
Aapka MukhliS,
Nazir.
Bahut shukriya wazaahat farmaane ka..mujhe lag raha tha keh yahi meaning hogi uski....ab confirm ho gaya hai...
Koi pooche humse hamaari haalat ka sabab
to ashk baha kar bhi baat adhoori reh jati hai
Waqt jaise kahin thehar sa gaya hai
Na Gham jaata hai na khushi aati hai
jawaid badauni wrote:
MANZOOM DAAD.O.TAHSEEN
saadaa ashAAr men kya husn chupa rakhkha hai
kaise batlaaoN keh in sheroN meN kya rakhkha hai
ek ek sher nazar aata hai ek ek ghazal
yAAni her sher meN ghazaloN ka maza rakhkha hai
Yeh lub.o.lahja yeh andaaze takallum SaHab
fikr meN husn-e taGhazzul bhi mila rakhkha
wazn yaksaaN hai to me'yaar-e suKhaN bhi yaksaaN
yooN to har she'r se har she'r juda rakhkha hai
waah kya kahna yeh “be aasra ashkoN ke guhar”
dil ke daaman meN jinhen sub se chupa rakhkha hai
waah kya baat hai kardee hai jibeeN nazr-e zimeeN
AasmanoN ki taraf haath uTha rakhkha hai
fikr-e "NaZir" ka yeh andaaz to dekho “Jawaid”
Ik chiraaGh apni hi turbat peh jalaa rakhkha hai
Jawaid Badauni
wah wah wahhhhhhhhhhhhhhhhhhhhhh kya munfarid andaaz hai daad dene ka Jawaid bhai...waAllah mazaa aa gaya...sochiye jab mujhe is qadar mazaa aaya hai to nazir bhai ko kitna aayega jab woh ye paRhenge...............bahuuuuuuuuuuuut umdagi se aap ne ek eke sher likha hai......mind blowing...................... 8)
Koi pooche humse hamaari haalat ka sabab
to ashk baha kar bhi baat adhoori reh jati hai
Waqt jaise kahin thehar sa gaya hai
Na Gham jaata hai na khushi aati hai
-
Abdullah Nazir
- -
- Posts: 2681
- Joined: Sat Dec 11, 2004 4:16 am
- Location: Jeddah
- Contact:
Bahut bahut shukriyah
MuHtarami o Azeezi
Jawaid Badyuni SaaHib,
PurkhulooS tasleemaat,
MaiN aapka beHad shukrguzaar hooN ke aap ne nah keh Sirf ghazal kii pazeerayi kii balkeh manzoom madH saraayi se bhii navaazaa.
Aapke kahe houe ashAar paRhkar mujhe yeh qaul yaad aayaa "jauhari ko hi jauhar ki pehchaan houti hei". WaaqaAi aapki fikr o nazar qaabil-e-daad hei. Aap ne bahut achche ashAar kahe heiN.
Aapka MukhliS,
Nazir.
Last edited by Abdullah Nazir on Mon Jan 30, 2006 4:37 pm, edited 1 time in total.
-
jawaid badauni
- -
- Posts: 810
- Joined: Sat Jan 01, 2005 5:38 am
- Contact:
Mohtarmee Nazir Sahab
Shukriya kis baat ka main ne haq goii se kaam liya hai.
Aaap ne mujhe PM ke zareeye kuch ashAAr se bhi nawazah hai magar nah jane kyooN woh ashAAr yahaN nahin pesh farmaye. MaiN Khood se to yeh jisarat nahiN kar sakata magar meri raaye hai un ashAAr ko yahaN irsaal farmaaiye members is "tarahee" guftgoo se bohat mahzooz hoNge.
Aapka Mukhlis
Jawaid
-
Abdullah Nazir
- -
- Posts: 2681
- Joined: Sat Dec 11, 2004 4:16 am
- Location: Jeddah
- Contact:
shukriyah
S H U M M U
Aap ne bilkul bajaa farmaayaa ke Jawaid Badauni SaaHib ne meri ghazal per jo manzoom tabSirah kyaa hei bahut hii dilkash hei jisko paRhkar mujhe khushi hougi.
Jawaid bhaayi mere taAalluq se bahut sakhi heiN aur hameshah kuch nah kuch iHsaan farmaate rehte heiN. Unkaa her tabSirah mere liye aek adabi niAmat ke baraabar houtaa hei. Jin ibaarataoN yaa ashAaar meiN khulooS-e-dil shaamil houtaa hei, unke kyaa kehne. Mujhe bahut khushi houii ke Jawaid bhaayi ne bahut hii achcha manzoom tabSirah kahaa aur likhkhaa hei. Allah unko jazaaye khair de.
Aapka MukhliS,
Nazir.
-
jawaid badauni
- -
- Posts: 810
- Joined: Sat Jan 01, 2005 5:38 am
- Contact:
Shummu wrote:jawaid badauni wrote:
MANZOOM DAAD.O.TAHSEEN
saadaa ashAAr men kya husn chupa rakhkha hai
kaise batlaaoN keh in sheroN meN kya rakhkha hai
ek ek sher nazar aata hai ek ek ghazal
yAAni her sher meN ghazaloN ka maza rakhkha hai
Yeh lub.o.lahja yeh andaaze takallum SaHab
fikr meN husn-e taGhazzul bhi mila rakhkha
wazn yaksaaN hai to me'yaar-e suKhaN bhi yaksaaN
yooN to har she'r se har she'r juda rakhkha hai
waah kya kahna yeh “be aasra ashkoN ke guhar”
dil ke daaman meN jinhen sub se chupa rakhkha hai
waah kya baat hai kardee hai jibeeN nazr-e zimeeN
AasmanoN ki taraf haath uTha rakhkha hai
fikr-e "NaZir" ka yeh andaaz to dekho “Jawaid”
Ik chiraaGh apni hi turbat peh jalaa rakhkha hai
Jawaid Badauni
wah wah wahhhhhhhhhhhhhhhhhhhhhh kya munfarid andaaz hai daad dene ka Jawaid bhai...waAllah mazaa aa gaya...sochiye jab mujhe is qadar mazaa aaya hai to nazir bhai ko kitna aayega jab woh ye paRhenge...............bahuuuuuuuuuuuut umdagi se aap ne ek eke sher likha hai......mind blowing...................... 8)
Summu SaHibah, Aadaab
Bohat bohat shukriya.
Main zara rawish se haTkar unkee ghazal ki pazeeraaii karna chaaahta tha. Iss tarah roz kuch na kuch kahte rahne se mashq-e sukhan bhi jari rahtee hai, warna mere ashAAr meN koii Khas fun ka muzaahirah nahiN hai.
Ek baar phir aap ka shukriya.
MuKhlis
Jawaid