Ustaad Sho'ara ke 'MAQTE' post karein..

Post by **zmufti** » Tue May 23, 2006 3:38 pm

zaalim mai.n kah rahaa thaa ki tuu is Khuu.N se dar guzar
"Sauda" kaa qatl hai ye chhupaayaa na jaayegaa

hassan_bashir · Post by **hassan_bashir** » Tue May 23, 2006 6:57 pm

kyaa mazaa detii hai bijalii kii chamak mujhako "Riaz"
mujhase lipaTate haiN, mere naam se Darane vaale

Abdullah Nazir · Post by **Abdullah Nazir** » Tue May 23, 2006 11:08 pm

"Khinchi hei jab kabhi baaTil ki tegh ai :Shaayer:

Chamak uThi hei Sadaaqat mire luhoo ki TaraH."

Shaayer: Shaayer Lucknawi

Nazir.

hassan_bashir · Post by **hassan_bashir** » Wed May 24, 2006 1:09 pm

yeh kya k sab se bayaaN dil kii haalteN karniiN?!
"Faraz"! tujh ko na aayiiN muhabbateiN karniiN!!

Zahid Jahangir · Post by **Zahid Jahangir** » Wed May 24, 2006 1:36 pm

Aa~o ik sajda kareN aalim e madhoshi mein

log kehte hain k Saghir ko Khuda yaad nehin

hassan_bashir · Post by **hassan_bashir** » Wed May 24, 2006 1:52 pm

Iqbal bhi Iqbal se aagaah nahIN hai !!!!!!!!!!!!!!!
kuch is meiN tamaskhar nahiN vallah nahiN hai!

Abdullah Nazir · Post by **Abdullah Nazir** » Wed May 24, 2006 6:02 pm

"Akhtar" dayaar-e-husn me.n pahuNche haiN mar ke ham

kyuuN kar huaa hai tay ye safar kuchh na puuchhiye

Shaayer: Akhtar Sheeraani.

Nazir.

Abdullah Nazir · Post by **Abdullah Nazir** » Fri May 26, 2006 8:15 pm

"Apne dushman se hooN waaqif Taabish

Kisi dereenah shanaasaa ki TaraH"

Shaayer: Taabish dehlawi

Nazir.

Abdullah Nazir · Post by **Abdullah Nazir** » Sat May 27, 2006 12:58 am

"KuNwaiN meiN phaink ke pachtaarahaa hooN ai Daanish

kamand thii jo minaaraoN peh Daalne ke liye."

Shaayer: IHsaan Daanish.

Nazir.

Post by **zmufti** » Sun May 28, 2006 6:40 pm

umr to saarii kaTii ishq-e-butaa.N me.n "Momin"
ab aaKhirii vaqt me.n kyaa Khaak musalamaa.N ho.nge

Abdullah Nazir · Post by **Abdullah Nazir** » Mon May 29, 2006 3:58 am

"Shikeb kaisi uRaan ab wo par hi TooT gaye

Keh zer-e-daam jab aaye thay phaRphaRaaye bahut."

Shaayer: Shikeb Jalali,

Nazir.

Post by **zmufti** » Mon May 29, 2006 5:21 pm

aaj ana-ul-ans ka mafhoof ana-ul-haq hai nadeem
daar par khinch ke bhee badli nahiN neeat maiN ne

hassan_bashir · Post by **hassan_bashir** » Tue May 30, 2006 9:25 am

"Shakeel" apane mazaaq-e-diid kii takamiil kyaa hotii
idhar nazaroN ne himmat kii udhar ruKh par naqaab aayaa

Abdullah Nazir · Post by **Abdullah Nazir** » Tue May 30, 2006 8:26 pm

"muntazir shaam ke rahou nah Qamar

unke aane kaa iAtibaar nahiN".

Shaayer: Qamar Jalalawi.

Nazir.

Post by **zmufti** » Wed May 31, 2006 6:33 am

hotii hai is me.n husn kii tauhiin ai 'Majaz'
itanaa na ahal-e-ishq ko rusavaa kare ko_ii