aek maAmooli si taazah ghazal: Abdullah Nazir.

[Abdullah Nazir]

MuHtaramaat o MuHtarameen
Arbaab-e-MeHfil aur aHbaab-e-sukhan,

PurkhulooS Tasleemaat, :rose

Apni aek taazah mukhtaSar ghazal pesh karne ki saAadat HaaSil karrahaa hooN. Ummeed ke aap apni giraaNqadr aaraa se mustafeed houne kaa mauqaA denge.

GHAZAL roman meiN:

seenah agar hei chalni tou hei daagh daagh dil
jaur o sitam se unke nah paayaa faraagh dil

pesh-e-nazar hei tuHfa-e-gul uz rah-e-wafaa
houjaaye kiyuN nah aisi ghaRi baagh baagh dil

deewaanagi-e-shauq ne kyaa Haal kardiyaa
dil hougayaa dimaagh, houaa hei dimaagh dil

ghayib nahiN nazar se tiraa musHaf-e-jameel
teerah-shabi meiN jaise hou raushan charaagh dil

Nazir maiN rind-e-baadah-e-jaam-e-alast hooN
Ilhaam-e-shaayeri ke liye hei ayaagh dil.
=======


Aapka MukhliS,
Nazir.

[hassan_bashir]

janaab mohtaram Ustaad Nazir saaHib: Aadab !

hazrat aap ka kalaam aur voh maamuuli, bhalaa yeh kaise mumkiin hai? Ghazal Chaahe mukhtasar ho magar phir bhii mujhe jaise kaYee naYe likhaaRiyoN ko aap ke har kalaam se kuCh na kuCh ilm-e-sukhan zaruur haasil hotaa hai.

ba.har.haal GHazal ke tamaam hii ash'aar dil-kash aur umdah heiN, lihaaza eik aur kaamyaab kalaam par naachiiz kii jaanib se dilee mubaarak baad qubuul keejiYe. :rose


Talib-e-Dua'a

~ Hassan ~

[Star Mind]

bohut Khoob !!!!!!!!!!!!!111

moHtarami Nazir SaaHib,

munfarid zameen maiN aap ki ye KhoobSoorat Ghgazal dil ko chhoo gayee ! mazaameen, andaaz sab pasaNd aaye ! daad qabool kejeye ! shukriya

Zia Baloch