Ustaad Sho'ara ke 'MAQTE' post karein..

[Muzaffar Ahmad Muzaffar]

bas keh hoN Ghalib aasiree meN bhee aatish zeer-e-pa
mo-e-aatish didah hai Halqah meree zanjeer ka

[Abdullah Nazir]

"Geh gham-e-Hoor gahe ishq-e-butaaN ai Mumin

maiN sadaa sookhta-e-Husn-e-khudaa-daad rahaa."

Shaayer: Mumin.


Nazir.

[Muzaffar Ahmad Muzaffar]

sab ko mara jigar ke sheroN ne
aor jigar ko sharab ne mara.

jigar murad aabadee.

[zmufti]

puuchho to 'Mir' se kyaa ko_ii nazar pa.Daa hai
cheharaa utar rahaa hai kuchh aaj us javaa.N kaa

[Muzaffar Ahmad Muzaffar]

yeh kehna tum se bichaR kar bikhar geya tishna
keh jese haath se gir jae aaenah kehna.

Aalamtaab Tishnah.

[Abdullah Nazir]

"maiN jab Qateel apnaa, sab kuch luTaa chukaa hooN

ab meraa pyaar mujh se, daanaayi chaahtaa hei."

Shaayer: Qateel Shifaayi


Nazir.

[Muzaffar Ahmad Muzaffar]

paRhne diya nah dil kee taRap ne mujhe ameer

aese hajoom-e-shaoq meN aaya udhar se khat^

ameer.

[Abdullah Nazir]

"NahiN jis meiN taHammul mushkilaat-e-raah-e-manzil kaa

wo pachtaayegaa ai :seemaab: meraa hamsafar houkar."

Shaayer: seemaab akbaraabaadi


Nazir.

[hassan_bashir]

haath pahuNche bhii na the zulf dotaa tak "Momin"
hathakaRii Daal dii zaalim ne Khataa se pahale

[Muzaffar Ahmad Muzaffar]

kehte haiN jab safine peh bijlee giree a'dam
saHil ke aas paas tha t^ufaaN se door tha.

Abdul Hameed Adam.

[Abdullah Nazir]

"Jinko aansoo samajh rahe hou Shakeel

dil ke TooTe houe sahaare heiN."

Shaayer: Shakeel Badauni


Nazir.

[Muzaffar Ahmad Muzaffar]

kitne nadaan haiN Aadam zahed
mujh ko jannat meN band karte haiN.

Abdul Hameed Adam.

[Abdullah Nazir]

"hamaare dil peh baarish kaif kee :seemaab: houti hei

takalluf barTaraf, ham baada-e-bejaam peete heiN."

Shaayer: seemaab akbaraabaadi.


Nazir.

[Muzaffar Ahmad Muzaffar]

Shakeel is darjah mayosee shuro'-e-e'shq meN kesee
abhee to hona hai kharab aahistah aahista.

Shakeel badauni.

[Abdullah Nazir]

"aashuftah naam-e-ishq ne le phir tamaam umr

dekhe jou koii mere dil-e-zaar kee tashbeeh."

Shaayer: aashuftah.


Nazir.