riwayati 'bait-baazi'

Post by **Daanish** » Tue Aug 29, 2006 3:13 am

azeezaan-e-bazm

aaiye, riwayati bait baazi ke silsila ka aaGaaz phir se karte haiN, jis meiN shayr ke aaKhri Harf se agla shayr pesh kiya jayega. umeed hai ke aap sab is silsile meiN shirkat farmayenge. lijiye pehlaa shayr Haazir hai:

dahr meiN naqsh-e-wafaa vajh-e-tasalli na hua
hai yeh woh lafz ke sharmindah-e-ma'ani na hua

'alif' se shayr pesh kijiye aur silisile ko aage baRHaaiye

Abdullah Nazir · Post by **Abdullah Nazir** » Tue Aug 29, 2006 4:35 am

abr-e-gham dil se uThaa aankh se daryaa barsaa

Doob jaane ko thee dunyaa miri itnaa barsaa

(alif)
Shayer: Abdullah Nazir.

Nazir.

Post by **Daanish** » Tue Aug 29, 2006 4:39 am

'alif'

ik alif beesh nahiN saiqal-e-aaina hanoz
chaak karta huN maiN jab se ke garebaaN samjhaa
--Ghalib

'alif'

Post by **Daanish** » Tue Aug 29, 2006 4:42 am

'ye'

yuN hi gar rotaa raha Ghalib, tau ai ahl-e-jahaaN
dekhnaa in bastiyoN tum ke viiraaN ho gayiiN

'nuun'

Abdullah Nazir · Post by **Abdullah Nazir** » Tue Aug 29, 2006 4:54 am

nah pooch Haal hamaara ghubaar-e-SeHraa meiN

MakaaN se Haalat-e-deewar o dar nahiN chupti.

(ye)
Shayer: Abdullah Nazir.

Nazir.

Post by **Daanish** » Tue Aug 29, 2006 12:09 pm

alif

aadmi aisa kahaaN koi farishta ho tau ho
shaiKh saHeb nahiN ma'aloom ke tum kis pe gaye
DaaGh

'ye'

Abdullah Nazir · Post by **Abdullah Nazir** » Tue Aug 29, 2006 4:23 pm

aasmaaN se maangle bheegi ghaTaa kee ouRhni

sar nahiN meraa munaasib tere shaane ke liye.

Shayer: Abdullah Nazir.

Nazir.

ummassad · Post by **ummassad** » Wed Aug 30, 2006 3:15 am

yeh alag baat kh sherminda.e.tabeer nh houn
warna her zahen main kuch tajmahel hoty hain

noon se

Post by **Daanish** » Wed Aug 30, 2006 5:17 am

'nuun'

na gul apnaa, na Khaar apnaa, na zaalim baaGhbaaN apnaa
banaaya aah kis gulshan meiN hum ne aashiyaaN apnaa

'alif'

Post by **zmufti** » Wed Aug 30, 2006 4:20 pm

utarii.n ajiib roshaniyaa.N raat Khvaab me.n
kyaa kyaa na aks tair rahe the saraab me.n

ummassad · Post by **ummassad** » Wed Aug 30, 2006 4:51 pm

manzil.e.ishq ph tanha pounchey koi tammana saath nh thi
thak thak ke is raah me.n aakhir ak ak saathi choot gaiya

alif se

Abdullah Nazir · Post by **Abdullah Nazir** » Tue Sep 05, 2006 12:43 am

imtiHaaN aur sahi ham nah karenge uff tak

naaz-bardaar heiN ai umr-e-gurezaaN tere

(ye)

Shayer: Abdullah Nazir.

Nazir.

Post by **PK Swami** » Tue Sep 05, 2006 4:40 pm

yaqeen rakh k yahaaN har yaqeen meiN hai fareb
baqaa to kyaa hai,fanaa kaa bhee aitbaar na kar ! -Aasee

PK Swami

Post by **zmufti** » Tue Sep 05, 2006 6:59 pm

raato.n me.n gar na ashk bahaa_uu.N to kyaa karuu.N
ik pal bhii us ko bhuul na paa_uu.N to kyaa karuu.N

Post by **Daanish** » Wed Sep 06, 2006 2:38 pm

lijiye 'nuun' se

nazar aati nahiN ab dil meiN tamanna koi
ba'ad muddat ke tamanna miri bar aayi hai
--Haali

'ye'

riwayati 'bait-baazi'

riwayati 'bait-baazi'

"alif"

"noon"

alif

alif