salaam bhej ka khat shah e waala ko bulata he yazeed

[khozema husaini]

salaamhazreen e mehfil
aadab o tasleemaat
muhararam ul haraam ka mahina rawan he isi hawale se ek salaam pesh kar raha hoon aur aap ki aara ka muntazir rahoonga

Husaini


salaam

bhej kar Khat shah e waala ko bulata he yazeed
shah aate heN to toofaan uThaata he yazeed

jin ke sadqe meN he sairaab KHuda ki maKHlooq
un ke KHaime lab e darya se haTata he yazeed

maslehat he jo Ali aate nahiN behr e madad
aur tu unki hee duKHtar ko rulata he yazeed

apni taqdeer ki zulumat ko baRhane ke liye
paikar e noor ko zanjeer pehnata he yazeed

piyaar barsati theeN Shabbir ki aaN kheN jis per
surKH aaNkhoN se use aaj Darata he yazeed

dour e haazir ke yazeedoN se husaini hushyaar
in ke paikar meN naye fitne uThata he yazeed

[nigaah]

jin ke sadqe meN he sairaab KHuda ki maKHlooq
un ke KHaime lab e darya se haTata he yazeed


kis qadr sach hai.... kese bad baKht-o-roo siyaah hongay jinhoN nay aal-e-Rasool s.a.w ke saath darindoN jesa sulook kiya..... riwaayat maiN hai ke yazidi lashkar ke kuch loag kehtay thay....jaldi Hussain ko qatl karo phir juma paRhnay bhi jana hai..... baRi ajeeb baat mehsoos hoti hai.... jis naa hanjaar zabaan say qatl-e-Hussain ki sada buland hui ....phir us zabaan say doraan-e-namaaz ALLAHUMA SALLE ALAA MUHAMMADIN ke baad WA ALAA AALE MUHAMMADIN kiuNkar adaa hua hoga....... aray kese siyaah kaar thay kese shaqqi-ul-qalb thay jinhoN nay ye na socha ke jis jannat ke waastay namaaz paRhtay ho ....us jannat ka sardaar hai ye shehzaada jisay tum qatl kartay ho....LAANAT HAI UN SHAITAN NUMA INSAANON PER.......

ye mauzoo nihaayat hi hassaas hai .....ke jazbaat qaboo maiN nahiN rehtay ......Allah aap ko is ki jazaa day....

Ameen

Nigaah

[khozema husaini]

jin ke sadqe meN he sairaab KHuda ki maKHlooq
un ke KHaime lab e darya se haTata he yazeed


kis qadr sach hai.... kese bad baKht-o-roo siyaah hongay jinhoN nay aal-e-Rasool s.a.w ke saath darindoN jesa sulook kiya..... riwaayat maiN hai ke yazidi lashkar ke kuch loag kehtay thay....jaldi Hussain ko qatl karo phir juma paRhnay bhi jana hai..... baRi ajeeb baat mehsoos hoti hai.... jis naa hanjaar zabaan say qatl-e-Hussain ki sada buland hui ....phir us zabaan say doraan-e-namaaz ALLAHUMA SALLE ALAA MUHAMMADIN ke baad WA ALAA AALE MUHAMMADIN kiuNkar adaa hua hoga....... aray kese siyaah kaar thay kese shaqqi-ul-qalb thay jinhoN nay ye na socha ke jis jannat ke waastay namaaz paRhtay ho ....us jannat ka sardaar hai ye shehzaada jisay tum qatl kartay ho....LAANAT HAI UN SHAITAN NUMA INSAANON PER.......

ye mauzoo nihaayat hi hassaas hai .....ke jazbaat qaboo maiN nahiN rehtay ......Allah aap ko is ki jazaa day....

Ameen

Nigaah

mohtarma nigaah sahiba
aadaab
salaam ki pazeeraaee aur nek duAaon ke liye aap ka mamnoon hoon
aap ne jis tafseel se is sanahe per roshni daali he us su maloomaat men bhi kuchh izafa huaa

aik martaba phir aap ka buhat buhat sukriyah

Husaini