Lafz par Ashaar#3--"SHABNAM"

Post by **Ibn-e-siddique** » Fri Feb 18, 2005 10:14 am

kisee kee yaad meiN poNhache haiN ham iss aalam ko
suboo banaa diyaa gul ko, sharaab shabnam ko!

sarwar raz :)

Post by **Shummu** » Fri Feb 18, 2005 12:31 pm

Partav-e-khur se hai shabnam ko fana'a ki taaleem
maiN bhee hooN ik inaayat ki nazar hone tak

Post by **Ibn-e-siddique** » Fri Feb 18, 2005 11:48 pm

Jab koii kale sehne gulistaaN meiN khili hai
Shabnam se meree aankhoN meiN tair gaee hai

Post by **fatimah** » Sat Feb 19, 2005 9:14 am

aslaam_u_alikam

shabnam jo miley khawahish_e_deryaa nahin kertey
hum had sey kabhi barh ker tamnaa nahin kertey

tabasum · Post by **tabasum** » Sat Feb 19, 2005 11:33 am

jugnoo,shabnam,tare bankar meri ankhein dhoond rahi hain
aane wale tu hi bata dey mere humdam kaise hain......

Post by **Shummu** » Mon Feb 21, 2005 12:50 pm

yuN 'araq jalwah gar hai us rukh par
jaise shabnam ho Phuul par daiKho

(Meer Taqi Mir)

Post by **syed bilal armaan** » Mon Feb 21, 2005 3:09 pm

mumkin nahi hai shola-o-shabnam ki dosti
mat kijye aag se pani ka tazkira..........