Lafz par Ashaar#3--"SHABNAM"

Post by **syed bilal armaan** » Tue Feb 08, 2005 2:26 pm

App sab ka bahut bahut shukriya . app ne mere diye gaye unwan par kai bahtareen ashar likhe . is martaba ka unwan(topic) hai "SHABNAM".
is unwan par bhi app apne pasandida ashar bhejein. (-BILAL)

is se pahele ke SHABNAM se gul wazoo kar lein
chale bhi aao ke thoddi si guftaguu kar lein....

Post by **Shummu** » Tue Feb 08, 2005 4:26 pm

bahut khoob!

Jab bazm-e-mohabbat mein taqseem huaa aansoo
Phoolo.n ko mili shabnam aankhon ko milaa aansoo

Post by **syed bilal armaan** » Wed Feb 09, 2005 12:53 pm

wah sara sahiba bahut achha sher likha hai app ney.
ek sher aur mulaheza kijye..

saba,SHABNAM,shafaq,ruqsar-e-gul,mahetaab in sab ka
tumhara naam leta hoon tou kyoun chahera badalta hai.

Post by **Shummu** » Wed Feb 09, 2005 2:00 pm

Jis par hamaari aankh ne shabnam bichaayi raat bhar
Bheja vahi KaaGhaz tujhe us par likha kuch bhi nahi

tabasum · Post by **tabasum** » Thu Feb 10, 2005 2:38 pm

hont'oun pey pachalta hua shabnam sa tabasum
masoom nigha'oun main zia khel rahi hai.....

Post by **Shummu** » Fri Feb 11, 2005 9:19 am

Lagti hai chot dil par, aata hai yaad jis dum
Shabnam ke aansuon par kaliyon ka muskurana.

Post by **Hashmat Usmani** » Sat Feb 12, 2005 6:59 am

aNklhiyoN ke jharokhoN meN aaNsuuoN kii maalaa hai
shabnamii sii palkoN par, motiiyoN kii jhaalaa hai

Hashmat Usmani

Post by **Hashmat Usmani** » Sat Feb 12, 2005 1:26 pm

mere she'r ko pasand farmaane ka shukria. to, lijiiye ek aur she'r fil_badii irsaal-e-Khidmat kar rahaa huuN.

shabnam ke qatre aaye nazar bar daaman-e-gulaab
aisa laga ki jaise hoN tere vo honT laal, laal

Hashmat

Post by **Ibn-e-siddique** » Mon Feb 14, 2005 5:33 am

kabhi gul se shabnam Tapakte jo dekhi
mujhe qatra-e-chashm-e-tar yaad aaya

Post by **Shummu** » Tue Feb 15, 2005 12:59 pm

Maine Khushboo Kee Tarah Tujhko Kiya Hai Mehsoos,
Dil Ne Chheda Hai Teri Yaad Ko Shabnam Ki Tarah

Post by **Ibn-e-siddique** » Fri Feb 18, 2005 10:14 am

kisee kee yaad meiN poNhache haiN ham iss aalam ko
suboo banaa diyaa gul ko, sharaab shabnam ko!

sarwar raz :)

Post by **Shummu** » Fri Feb 18, 2005 12:31 pm

Partav-e-khur se hai shabnam ko fana'a ki taaleem
maiN bhee hooN ik inaayat ki nazar hone tak

Post by **Ibn-e-siddique** » Fri Feb 18, 2005 11:48 pm

Jab koii kale sehne gulistaaN meiN khili hai
Shabnam se meree aankhoN meiN tair gaee hai

Post by **fatimah** » Sat Feb 19, 2005 9:14 am

aslaam_u_alikam

shabnam jo miley khawahish_e_deryaa nahin kertey
hum had sey kabhi barh ker tamnaa nahin kertey

tabasum · Post by **tabasum** » Sat Feb 19, 2005 11:33 am

jugnoo,shabnam,tare bankar meri ankhein dhoond rahi hain
aane wale tu hi bata dey mere humdam kaise hain......