riwayati 'bait-baazi'

Abdullah Nazir · Post by **Abdullah Nazir** » Sun Nov 19, 2006 5:32 pm

yeh souch ke maiN aapkke qadmaoN meiN paRaa thaa

mil jaayegi qismat se jagh mujh ko bhee dil meiN.

Shaayer: Abdullah Nazir.

( "noon" )

Nazir.

hassan_bashir · Post by **hassan_bashir** » Mon Nov 20, 2006 1:55 pm

na tan meiN Khuun faraaham na ashk aaNkhoN meiN,
namaaz-e-shauq to vaajib hai be-vazuu hii sahii!!!!!!

kabir · Post by **kabir** » Mon Nov 20, 2006 3:22 pm

hum itni be niazi se bhi duniya me nahi rehte
humen kis ne kis tarah se pukara yaad rehta he

Abdullah Nazir · Post by **Abdullah Nazir** » Tue Nov 21, 2006 5:19 am

yuN giaaN uski mizha per hei ik ashk-e-gham bahut

barg-e-gul per jaise baar-e-qaTra-e-shabnam bahut.

Shaayer: Abdullah Nazir.

( "te" )

Nazir.

Abdullah Nazir · Post by **Abdullah Nazir** » Tue Nov 21, 2006 6:15 am

yooN hee baaqi jo rahaa mere junooN kaa Aalam

dil ke TukRe bhee bahar taar-e-girebaaN houNge.

Shaayer: Abdullah Nazir.

( "ye" )

Nazir.

Abdullah Nazir · Post by **Abdullah Nazir** » Wed Nov 22, 2006 3:02 pm

naamah hei aur nah koii khabar der kiyuN houee

mujhko hei iAtibaar magar der kiyuN houee.

Shaayer: Abdullah Nazir

"ye"

Nazir.

hassan_bashir · Post by **hassan_bashir** » Thu Nov 23, 2006 11:41 am

yeh kyaa jageh hai dostoN, yeh kaun saa dayaar hai?
hadd-e-nigaah tak jahaaN, Ghubaar hii Ghubaar hai!!

praise · Post by **praise** » Thu Nov 23, 2006 12:00 pm

ye mere Khvaabo.n kii duniyaa nahii.n, sahii lekin
ab aa gayaa huu.N to do din kayaam karataa chaluu.N

hassan_bashir · Post by **hassan_bashir** » Thu Nov 23, 2006 12:10 pm

naraaz ho Khudaa to kareN baNdagii se Khush,
maashuq ruuTh jaaye to kyoN kar manaayeN ham?!

Abdullah Nazir · Post by **Abdullah Nazir** » Mon Nov 27, 2006 8:57 am

nafas nafas meiN ravaaN meraa naam thaa Nazir
miTaane waale kisi TarH se miTaa nah sake.

Shaayer: Abdullah Nazir.

"ye"

Nazir.

hassan_bashir · Post by **hassan_bashir** » Tue Nov 28, 2006 6:03 am

yuuN mire khat kaa javaab aayaa
lifaafe meiN ik gulaaaaaaab aayaa

hassan_bashir · Post by **hassan_bashir** » Tue Nov 28, 2006 6:30 am

yahii armaan le kar aaj apne ghar se ham nikale!
jahaaN ho ziNdagi apnii usii kooChe meiN dam nikale!!

Abdullah Nazir · Post by **Abdullah Nazir** » Wed Nov 29, 2006 3:51 am

be MuHaabaa daAwat-e-nazzarah karli hei qubool

kyaa khabar hamko bhalaa kyaa kuch tumhaare dil meiN hei?.

Shaayer: Abdullah Nazir.

Nazir.

hassan_bashir · Post by **hassan_bashir** » Wed Nov 29, 2006 6:18 am

aaj-kal kee muheeb duniyaa meiN,
jee rahaa hooN kamaal kartaa hooN!

Abdullah Nazir · Post by **Abdullah Nazir** » Fri Dec 01, 2006 12:17 pm

"rodiye dekh ke us pardah-nisheeN ko :Akhtar:

apni aankhaoN se kahi dil ki kahaani ham ne".

Shayer: Akhtar Sheerani.

"ye"

Nazir.