Harf 'Gain' se ash'aar qalam_band kijiiye

Abdullah Nazir · Post by **Abdullah Nazir** » Sun Nov 26, 2006 2:38 pm

ghaflat-e-yaar ne ik lamHah bhee soune nah diyaa

ThouRi furSat nah mili shamA bujhaane ke liye.

Shaayer: Abdullah Nazir.

Nazir.

hassan_bashir · Post by **hassan_bashir** » Tue Nov 28, 2006 6:02 am

:Ghalib: mere kalaam meiN kyuN kar mazaa na ho
piitaa huuN Khusro-e-shiiriiN-suKhan ke paaNv

hassan_bashir · Post by **hassan_bashir** » Tue Nov 28, 2006 6:33 am

Ghalat naheeN k zamaane meiN laa-javaab haiN ham
samajh sake na hameN koee voh kitaaaaab haiN ham

Abdullah Nazir · Post by **Abdullah Nazir** » Tue Nov 28, 2006 6:42 am

gham-e--firaaq se bachnaa muHaal hei jab se

MaiN teri yaad kee shamAeN jalaaye rakhtaa hooN.

Shaayer: Abdullah Nazir.

Nazir.

hassan_bashir · Post by **hassan_bashir** » Tue Nov 28, 2006 6:46 am

Gham-e-aashiqii se kah do raah-e-aam tak na pahuNche
mujhe Khauf hai ye tohmat mere naam tak na pahuNche

Abdullah Nazir · Post by **Abdullah Nazir** » Tue Nov 28, 2006 7:52 am

ghurbat meiN nahiN zaraa bhee sukoon

kab tak sahe jaayeN sitam janaab.

Shaayer: Abdullah Nazir.

Nazir.

Abdullah Nazir · Post by **Abdullah Nazir** » Tue Nov 28, 2006 4:43 pm

gham nhiN raah-e-wafaa meiN mujhe luT jaane kaa

gham tou yeh hei keh tiraa saath moyassar nah houaa.

Shaayer: Abdullah Nazir.

Nazir.

hassan_bashir · Post by **hassan_bashir** » Wed Nov 29, 2006 6:25 am

Gham baRhe aate haiN qaatil kee nigaahoN kee tarah,
tum Chhupaa lo mujhe ai dost gunaahoN kee tarah!!

Abdullah Nazir · Post by **Abdullah Nazir** » Fri Dec 01, 2006 12:12 pm

ghaur se dekh mire chaak girebaaN ki Taraf

sab ko maAloom hei yeh Haal kiyaa hei kis ne.

Shaayer: Abdullah Nazir.

Nazir.

hassan_bashir · Post by **hassan_bashir** » Mon Dec 04, 2006 7:39 am

Gham hai na ab Khushii hai na ummiid hai na yaas
sab se najaaaaaat paaye zamaaaaane guzar gaye

hassan_bashir · Post by **hassan_bashir** » Wed Dec 06, 2006 10:01 am

Ghalib teree zameeeeeeen pe likhii to hai Ghazal
tere qad-e-suKhan ke baraabar nahiiN hooN maiN

hassan_bashir · Post by **hassan_bashir** » Thu Dec 07, 2006 6:43 am

Ghazal-go'ii ko'i mushkil naheeN, par vaaqe'a yeh hai
Ghazal-go'ii meiN aataa hai kamaal aahista aahista

R.K. "Qais"

Abdullah Nazir · Post by **Abdullah Nazir** » Fri Dec 08, 2006 3:14 am

ghubaar-e-raah se bachnaa muHaal hei lekin

kiyaa hei Azm ke manzil peh jaake dam lenge.

Shaayer: Abdullah Nazir.

Nazir.

Abdullah Nazir · Post by **Abdullah Nazir** » Sat Dec 09, 2006 3:20 am

gham-e-dil baRhte baRhte hougayaa bardaasht se baahar

tiri ghaflat shiAaree ab sahee jaatee nahiN mujh se.

Shaayer: Abdullah Nazir.

Nazir.

hassan_bashir · Post by **hassan_bashir** » Sun Dec 10, 2006 7:13 am

Gham se marataa huuN ke itanaa nahiiN duniyaa meiN koii,
ke kare ta'aziiyat-e-mehar-o-vafaa mere baaaaaaaaaaad!!