Ustaad Sho'ara ke 'MAQTE' post karein..

Post by **Daanish** » Tue Sep 12, 2006 2:10 am

maqt'a

ya mazaaq-e-deed ki tohmat na lete, ai Jigar
ya mujassam dil, sarapaa aankh ban kar dekhte

Post by **Daanish** » Wed Sep 13, 2006 3:10 am

chhoRHi Asad na hum ne gadaai meiN dil lagi
saail hu'e, tau a'ashiq-e-ahl-e-karam hu'e

Abdullah Nazir · Post by **Abdullah Nazir** » Wed Sep 13, 2006 5:18 pm

"khaa sab ne kalaam-e-Daagh sunkar

ghaneemat hei yeh dam HindustaaN meiN".

Shaayer: :Daagh:

Nazir.

Post by **Daanish** » Thu Sep 14, 2006 4:08 am

guzarti hai jo dil-e-ishq par, na pooch Jigar
yeh Khaas raaz-e-moHabbat hai, raaz rehne de

Post by **Daanish** » Fri Sep 15, 2006 2:41 am

balaa-e-jaaN hai Ghalib uski har baat
ibaarat kya, ishaarat kya, adaa kyaa

Post by **zmufti** » Fri Sep 15, 2006 2:32 pm

mujh se karate hai.n "Qateel" is liye kuch log hasad
kyo.n mere sher hai.n maqabuul hasiinaao.n me.n

Post by **Daanish** » Sat Sep 16, 2006 2:11 am

Haqeeqat khul gayi Hasrat tire tark-e-moHabbat ki
tujhe tau ab woh pehle se bhi baRh kar yaad aate haiN

Post by **Daanish** » Sat Sep 16, 2006 2:32 am

maqt'a

is a'had ko na jaaniye aglaa sa a'had Meer
woh daur ab nahiN woh zameeN aasmaaN nahiN

Abdullah Nazir · Post by **Abdullah Nazir** » Sat Sep 16, 2006 5:32 am

"yaad-e-door-uftaadagaaN hei :aatish: oos but se baAeed

dhyaan kab maulaa ko aayaa banda-e-aazaad kaa".

Shaayer: :aatish:

Nazir.

Post by **Mayank** » Sun Sep 17, 2006 12:42 pm

'GHalib' chutee sharaab, par ab bhee kabhee-kabhee
peeta hooN roz-e-abr -o- shab-e-maahtaab meiN

Post by **Daanish** » Sun Sep 17, 2006 12:57 pm

maqt'a

ai MusHafi gardan_kashi us shoKh se mat kar
jab kheenche woh talwaar tuu gardan ko jhuka jaa
--Ghulam Hamdani 'Mus'Hafi'

Abdullah Nazir · Post by **Abdullah Nazir** » Tue Sep 19, 2006 3:24 am

"kahaa us bat se jab martaa hei Mumin

kahaa maiN kyaa karuN marZi khudaa kee".

Shaayer: :mumin:

Nazir.

Post by **Daanish** » Tue Sep 19, 2006 1:10 pm

maqt'a

aap kya irshaad farmaate haiN? farmaa dijiye
sab yeh kehte haiN Jigar deewana hai, deewaana hai

Abdullah Nazir · Post by **Abdullah Nazir** » Wed Sep 20, 2006 2:45 am

"ab kahaaN aah mujhe furSat-e-yak laHzah :jigar:

seena-e-ishq bhee hei nishtar-e-faryaad bhee hei".

Shaayer: Jigar Muradabaadi

Nazir.

Post by **Daanish** » Wed Sep 20, 2006 3:11 pm

bedaad-e-ishq se nahiN Darta magar Asad
jis dil pe naaz thha mujhe woh dil nahiN raha