'Azeez dosto,
BaRe dinoN ba'd ek ghazal kahne kee furSat milee. Ummeed hai ke aap sabkee pasandeedagee ke laaiq hogee. Pesh-e-khidmat hai ghazal:
Raqeeb se miri ulfat ki guftagoo hotee
raqeeb se miri ulfat ki guftagoo hotee
to soch shehr meN kyaa teri aabroo hotee?
na tere dil meN tamannaa-e-rang-o-boo hotee
na qaid bulbul-e-shaidaa qafas meN too hotee.
jalaa hai khaana-e-dil! khoob hai ke kuchh na rahaa
ke ham bhi jalte agar dil meN aarzoo hotee
rajaa naheeN ke wo beemaar daar ho, lekin,
zaraa si pursish-o-lutf-o-du'aa ki khoo hotee
yeh naa tawaani-e-deedah, yeh zakhm-e-kaari-e-dil!
ke mar hi jaate wo Soorat jo roo bah roo hotee
hai aagahee ko musalsal talaash-e-beshee, Haif!
na chashm waa huee hotee, na justjoo hotee
tujhe guzarte hue dekhtaa shab-e-furqat
miree galee meN agar meHfil-e-'adoo hotee
gilah jo karte, Munawwar, sitam zareef se ham
a'bac hamaari hi ruswaa'i chaar soo hotee
-----------------------------------------------------------------------
Ummeed hai ke aap sab apne khayaalaat kaa izhaar kareNge. MaiN aap sab kee rahbaree kaa muntazir rahuNgaa.
Shukriyah
Munawwar
Ghazal: Raqeeb se miri ulfat ki guftagoo hotee...
Moderator: Muzaffar Ahmad Muzaffar
Ghazal: Raqeeb se miri ulfat ki guftagoo hotee...
Bhaswar Dasgupta "Munawwar"
------------------------------------
Kabhii khursheed kii raunaq pe chhaayaa thaa nashaa yaaroN
Sunaa hai ke usii din ko "Munawwar" jee huyeN paidaa!
------------------------------------
Kabhii khursheed kii raunaq pe chhaayaa thaa nashaa yaaroN
Sunaa hai ke usii din ko "Munawwar" jee huyeN paidaa!
-
Muzaffar Ahmad Muzaffar
- -
- Posts: 1258
- Joined: Sun Feb 12, 2006 1:40 pm
- Location: London, England
- Contact:
moHtaram Munawwar SaaHib aadaab!
aek a'arSah ba'd aap se sharf-e-mulaqaat naSeeb ho rahaa hai. kaese mizaaj haiN. ummeed hai kheriyat se hooN ge.
aap kee taZah Ghazal dekhee bohot khubSuaratee se aap ne apne asha'aar kahe haiN. shabhee she'er qabil-e-daad haiN.
is HaseeN koshish par meree dilee dad aor mubarak baad qubool keejiye.
mujhe ummeed hai keh ab aap meHfil meN baqaae'idagee se tashreef late raheeN ge. aor apne munfarid aor dil paZeer kalam se mustafeed hone kaa sunehraa maoqa' faraham karte raheeN ge.
raqeeb se miri ulfat ki guftagoo hotee
to soch shehr meN kyaa teri aabroo hotee?
Waah Waah!
na tere dil meN tamannaa-e-rang-o-boo hotee
na qaid bulbul-e-shaidaa qafas meN too hotee.
Kiyaa kehne Waah Waah!
jalaa hai khaana-e-dil! khoob hai ke kuchh na rahaa
ke ham bhi jalte agar dil meN aarzoo hotee
Bohot khoob!
rajaa naheeN ke wo beemaar daar ho, lekin,
zaraa si pursish-o-lutf-o-du'aa ki khoo hotee
Kiyaa kehne! Waah!
yeh naa tawaani-e-deedah, yeh zakhm-e-kaari-e-dil!
ke mar hi jaate wo Soorat jo roo bah roo hotee
Bohot khoob Waah Waah Kiyaa kehne!
hai aagahee ko musalsal talaash-e-beshee, Haif!
na chashm waa kiye hote, na justjoo hotee
Bohot khoob!
tujhe guzarte hue dekhtaa shab-e-furqat
miree galee meN agar meHfil-e-'adoo hotee
Kiyaa Kihne Waah!
gilah jo karte, Munawwar, sitam zareef se ham
a'bac hamaari hi ruswaa'i chaar soo hotee
Bohot khoob Waah Waah Kiyaa kehne lajawaab hai Waah Waah!
Munawwar SaaHib bohot hee haseeN aor dilkash Ghazal a't^aa kee hai meree dilee daad aor mubarak baad qubool keejiye.
Wassalam
Muzaffar A Muzaffr
-
muhammad_19k
- -
- Posts: 540
- Joined: Wed Nov 22, 2006 8:36 am
- Location: Lahore
- Contact:
Munawar SaHeb,
ye sach hai ke intne 'arSaa ke ba'aad aap ko yaahaaN daikh kar bohat khushi ho rahi hai. aap un moHtaram hasteeoN meN se haiN jo urdu zabaan se moHabbat karte haiN aor is ke leeaye kissi na kissi taraH se meHnat kar rahaiN haiN. is se baisther bhi aap ki ghazlaiN parHne ka ittefaaq huwaa hai. aap ke maazameen aor andaaz hamesha hi mutacir kun rahaa hai. zair nazar ghazal ke tamaam ashaar achhchhay lagage laikin meN Hasbe aadaat pasandeeda tareen ash'aar aliahdaa karne ki koshish kartaa hooN kyooN ke is se likhne walay ko (miray nazdeek) kaafi madad milti hai.
ye ash'aar bohat shaandaar lagay.
raqeeb se miri ulfat ki guftagoo hotee
to soch shehr meN kyaa teri aabroo hotee?
jalaa hai khaana-e-dil! khoob hai ke kuchh na rahaa
ke ham bhi jalte agar dil meN aarzoo hotee
tujhe guzarte hue dekhtaa shab-e-furqat
miree galee meN agar meHfil-e-'adoo hotee
is ke allawaa aik sher meN zakm e kaari oar zakhm e dil ka majmoo' zakhm e kaari e dil kuch naa maanoos laga. mujh shak hai ke kyaa ye qaabil e istemaal hai?
Regards,
Muhammad K. Siddiqui
ye sach hai ke intne 'arSaa ke ba'aad aap ko yaahaaN daikh kar bohat khushi ho rahi hai. aap un moHtaram hasteeoN meN se haiN jo urdu zabaan se moHabbat karte haiN aor is ke leeaye kissi na kissi taraH se meHnat kar rahaiN haiN. is se baisther bhi aap ki ghazlaiN parHne ka ittefaaq huwaa hai. aap ke maazameen aor andaaz hamesha hi mutacir kun rahaa hai. zair nazar ghazal ke tamaam ashaar achhchhay lagage laikin meN Hasbe aadaat pasandeeda tareen ash'aar aliahdaa karne ki koshish kartaa hooN kyooN ke is se likhne walay ko (miray nazdeek) kaafi madad milti hai.
ye ash'aar bohat shaandaar lagay.
raqeeb se miri ulfat ki guftagoo hotee
to soch shehr meN kyaa teri aabroo hotee?
jalaa hai khaana-e-dil! khoob hai ke kuchh na rahaa
ke ham bhi jalte agar dil meN aarzoo hotee
tujhe guzarte hue dekhtaa shab-e-furqat
miree galee meN agar meHfil-e-'adoo hotee
is ke allawaa aik sher meN zakm e kaari oar zakhm e dil ka majmoo' zakhm e kaari e dil kuch naa maanoos laga. mujh shak hai ke kyaa ye qaabil e istemaal hai?
Regards,
Muhammad K. Siddiqui
Muhammad K. Siddiqui.
+92 321 4435273
938-C-Faisal Town, Lahore.
Pakistan.
+92 42 111516516
muhammad_19k@hotmail.com
+92 321 4435273
938-C-Faisal Town, Lahore.
Pakistan.
+92 42 111516516
muhammad_19k@hotmail.com