jo mushkil rastaa hay

[rukhsar]

Aadab ek ghazal hazir-e khidmat hay aapki aaraa ka intizaar rahayga

GHAZAL

jo mushkil raasta hay
vohi hum nay chounaa hay

kinaray par khRay ho
vo koi doobtaa hay

meray ander hi ander
vo kitnaa boltaa hay

faqat kirdaar hain hum
yeh sub likhkha hoa hay

koi manzil nahi to
yeh par kiun toltaa hay

har ek manzar nazar main
bhut bheega hoa hay

sanbhal jaengay aakhir
abhi dhachka lagaa hay

faqat ek dil hay apna
so vo khali paRaa hay

mohabbat chahtaa hay
ARY Pagal hoa hay
.....................
aara ka muntazir
Rukhsar

[Muzaffar Ahmad Muzaffar]

Aadab ek ghazal hazir-e khidmat hay aapki aaraa ka intizaar rahayga

GHAZAL

jo mushkil raasta hay
vohi hum nay chounaa hay

kinaray par khRay ho
vo koi doobtaa hay

meray ander hi ander
vo kitnaa boltaa hay

faqat kirdaar hain hum
yeh sub likhkha hoa hay

koi manzil nahi to
yeh par kiun toltaa hay

har ek manzar nazar main
bhut bheega hoa hay

sanbhal jaengay aakhir
abhi dhachka lagaa hay

faqat ek dil hay apna
so vo khali paRaa hay

mohabbat chahtaa hay
ARY Pagal hoa hay
.....................
aara ka muntazir
Rukhsar

moHtaram Rukhsar SaaHib aadaab!

kese mizaaj haiN? maiN baakheriyat hooN.
aap kee Ghazal dekhee kiyaa kehne aap ne waqa'ee bohot khubSurat asha'aar kahe haiN. meree jaanib se is khubSurat aor dilpazeer koshish par dilee daad aor mubarak baad qubool keejiye.

ummeed hai aae'ndah bhee tashreef late raheeN ge.
Wassalam
Muzaffar A Muzaffar

[Khurshidul Hasan Naiyer]

muHtaram Rukhsaar Sb

pahlee baar aapse mukhat^ib hooN. ek achhee ghazal par daad lekar. chooTee baHar par Ghazal kahnaa ek mushkil kaam hai. jisko aapne baDee khoobSoortee se aNjaam diyaa hai.

miree janib se daad hee daad qubool farmaeN.

umeed hai aap ma'lkhair hoNge

mukhlis

Khurshidul H. Naiyer

[rukhsar]

mohtaram Muzaffar sahib
aadab
mizaj-e giraami
aapki houslaa afzaai ka bhut shukriyaa aap hazraat ki housla afzaai say mazeed himmat
aa jati hay bhut shukriyaa
rukhsar

[rukhsar]

Khurshidul Hasan Naiyer
SAHIB aadab
mizaj-e giraami
aapki daad aur housla afzaai ka be had mamnoon hon bhut shukriyaa nawazish
rukhsar

[muhammad_19k]

Janab Rukhsaar SaHeb,

aadaab. aap ki ghazal bohat shaandaar aor pur acar hai mubaarak baad qubool kijiaye. ashaar ka inifiraadi acar ye rahaa.


jo mushkil raasta hay
vohi hum nay chounaa hay-------------------------------------bohat khoob.

kinaray par khRay ho
vo koi doobtaa hay----------------------------------------------bohat khoob.

meray ander hi ander
vo kitnaa boltaa hay--------------------------------------------zabardast.

laikin ye andar hi andaar wali baat kyaa hoee. Sirf aek andar kaafi nahi thaa?

faqat kirdaar hain hum
yeh sub likhkha hoa hay-----------------------------------------ye bohat saadaa sher aor 'aam khyaal hai.

koi manzil nahi to
yeh par kiun toltaa hay------------------------------------------ye kon? is ki waZaHat nhi hoti

har ek manzar nazar main
bhut bheega hoa hay---------------------------------------------zabardast.

sanbhal jaengay aakhir
abhi dhachka lagaa hay------------------------------------------bohat khoob.

abhi Sadma nayaa hai. is ke baarey men kyaa khyaal hai aap ka?

faqat ek dil hay apna
so vo khali paRaa hay-----------------------------------------------theek.

mohabbat chahtaa hay
ARY Pagal hoa hay--------------------------------------------------zabardast.


mukhliS,