Eid ka din hai!

[Muzaffar Ahmad Muzaffar]

yaaraan-e-meHfil aadaab-o-tasleemaat!

meree jaanib se tamaam arbaab-e-Anjuman ko dilee Eid Mubarak meree dua'aa hai keh khuda wand aap ko aesee hazaarooN Eidae'een se hamkinaar kare. Aameen! apnee aek naz^m pesh-e-khidmat hai. mulaHiZ^ah keejiye.

Eid Ka din hai!

Gul-e-muraad khilaao keh eid ka din hai!
reyaaZ^-e-dehr sajao keh eid ka din hai!

suNwaaro Gesu-e-hastee ko aaj jaaN de kar
koee to e'hd nibhaao keh eid ka din hai!

maiN jee raha hooN muHabbat meN khaak-e-paa ho kar
mujhe nah aaj uRaao keh eid ka din hai!

baRhe hee jatee kiyooN z^ulmat-e-shab-e-hijraaN
CharaaGh-e-raah jalao ke eid ka din hai!

rafu-e-Chaak-e-GareebaN kee fikr laazim hai
mujhe gale se lagao keh eid ka din hai!

t^uwaaf-e-kuchah-e-janaN kee a'z^mateeN taobah!
naSeeb apna jagao keh eid ka din hai!

nah beTho aaj ke din maekade meN tashnah lab
jigar kee payaas bujhao keh eid kaa din hai!

e'laaj-e-tangee-e-damaaN ko mere kaafee hai
wafaa ke deep jalao keh e'id ka din hai!

mujhe e'zeez haiN lamHaat-e-talkhee-e-daoraaN
nah mujh peh ashk bahao keh e'id kaa din hai!

maiN khu geya hooN hajoom-e-jahaN meN ae AHmad!
khudara DhoonD ke lao keh e'id kaa din hai!

Muzaffar :AHmad: Muzaffar

[sbashwar]

Mohtarami Muzaffar Ahmad Muzaffar Saheb
o eid mubarak

Takheer ke liye moazirat. Eid par aapka kalaam pasand aayaa.
Dili daad aur mubarakbaad qubool farmayeN.

Mukhlis
Salem Bashwar

[tahira Masood]

mashallah bohat khoooooob

daad haazzir hai

[Star Mind]

muzaffar bhaa'ii, aadaab !

kaise mizaaj haiN ? :)

muddatoN baa'd is bazm meiN kuchh likhne ka moqa' milaa hai ! dilii masarrat se dochaar hooN ! :)
aap kii Ghazal jii jaan se pasaNd aa'ii ! maiN ne bhii is zameen meiN kabhii aek Ghazal kahii thii ! jis ka maqta' aap ko sunaana chaahoN gaa !

"Khamosh kyooN ho Zia is Khushii ke mauqa' par ?
koii Ghazal hi shunaa'o k Eid ka din hai ! "

shukrita

Zia Baloch

[ismail ajaz]

yaaraan-e-meHfil aadaab-o-tasleemaat!

meree jaanib se tamaam arbaab-e-Anjuman ko dilee Eid Mubarak meree dua'aa hai keh khuda wand aap ko aesee hazaarooN Eidae'een se hamkinaar kare. Aameen! apnee aek naz^m pesh-e-khidmat hai. mulaHiZ^ah keejiye.

Eid Ka din hai!

Gul-e-muraad khilaao keh eid ka din hai!
reyaaZ^-e-dehr sajao keh eid ka din hai!

suNwaaro Gesu-e-hastee ko aaj jaaN de kar
koee to e'hd nibhaao keh eid ka din hai!

maiN jee raha hooN muHabbat meN khaak-e-paa ho kar
mujhe nah aaj uRaao keh eid ka din hai!

baRhe hee jatee kiyooN z^ulmat-e-shab-e-hijraaN
CharaaGh-e-raah jalao ke eid ka din hai!

rafu-e-Chaak-e-GareebaN kee fikr laazim hai
mujhe gale se lagao keh eid ka din hai!

t^uwaaf-e-kuchah-e-janaN kee a'z^mateeN taobah!
naSeeb apna jagao keh eid ka din hai!

nah beTho aaj ke din maekade meN tashnah lab
jigar kee payaas bujhao keh eid kaa din hai!

e'laaj-e-tangee-e-damaaN ko mere kaafee hai
wafaa ke deep jalao keh e'id ka din hai!

mujhe e'zeez haiN lamHaat-e-talkhee-e-daoraaN
nah mujh peh ashk bahao keh e'id kaa din hai!

maiN khu geya hooN hajoom-e-jahaN meN ae AHmad!
khudara DhoonD ke lao keh e'id kaa din hai!

Muzaffar :AHmad: Muzaffar

janaab Muzaffar :AHmad: Muzaffar SaHab

masha Allah

kya khoobSoorat soch hai kya khoobSoorat likhte haiN aap

Daad Haazir hai

Ismail ajaz khayaal