ایک نئی غزل پیش ہے

[Hasan Aatish]

محترم آداب
ایک نئی غزل پیش ہے امید ہے پسند آئے گی۔تبصرہ کی امید تو رکھنا ہی فضول ہے۔

[sbashwar]

Mohtaram Hasan Aatish Saheb


Aapki narazgi wajbi hai. Aaj kal naya rohjan chal raha hai tabsira to kja doosraun ka kalaam paRhne ki fursat bhi nahiN lagti.

Ghazal bohat achchi hai laikin sheir # 2 ko ek nazr dekhleiN.

Mukhlis
Salem Bashwar

[Hasan Aatish]

شکریہ سالم بھائی
دراصل دوسرے مصرع میں ردیف لکھنا باقی رہ گیا ہے۔وہ یوں ہوگا
ًمیری آنکھوں کو سنہرے خواب کا پردہ تو دے ً شکریہ آپ کا۔

[Nayeem Khan]

Ghazal ke tamam asha'ar achchay hain. khas taur par ye sher bohat pasand aayaa:

azm ke patwar se kar, sar sumandar ke bhanwar
aur kishti ko labe sahil talak pahouncha to de

Bohat khoob. Daad pesh hai.

[Hasan Aatish]

شکریہ نعیم خان بھائی
یونہی حوصلہ افزائی کرتے رہئے تا کہ ہمت بڑھے۔

[aabarqi]

جناب حسن آتش چاپدانوی صاحب
السلام علیکم
آپ نے اپنی اس نئی غزل میں اپنے سوزِ دروں اور عصر حاضر میں نوعِ بشر کو درپیش جن مسائل کی ترجمانی کی ۰ہے وہ لایقِ تحسین و ستایش ہے۔ آپ کے اس آئینۂ غزل میں ہماری سیاسی، سماجی اور معاشرتی زندگی کے کرب اور ابن آدم کے ذہنی انتشار کی حقیقی تصویر نمایاں ھے جس کے لئے آپ داد و تحسین کے مستحق ہیں
مخلص
احمد علی برقی اعظمی۔

[Hasan Aatish]

شکریہ برقی صاحب
تعریف اور توصیف کا یہ انداز پسند آیا۔ میری عمر ۵۵ سال ہے مگر صرف ۵ سال سے آپ لوگوں کی بزم میں ایک گوشہ سنبھالے ہوئے ہوں۔شاید آپ جیسوں کی کرم فرمائی مجھے بھی بزم کے لائق بنادے۔
مخلص حسن آتش چاپدانوی

[sfaseehrabbani]

آپ کی غزل ایک اچھی کاوش ہے البتہ درج ذیل باتوں کو مد نظر رکھ کر غزل پر نظرِ ثانی کیجیے؛
مطلع کے مصرعہ اولیٰ میں "سنگ گر" میں عیبِ تنافر ہے
شعر 5 مصرعہ 2 میں لفظ "نہ" غلط باندھا گیا ہے۔ مصرعہ یوں کر لیں "صبح قسمت میں نہیں تو، صبح کا تارا تو دے"۔
شعر 6 مصرعہ 2 میں محاورہ غلط ہو رہا ہے۔حشر برپا کرنا' ہوتا ہے
شعر 7 مصرعہ 1 میں عزم کے پتوار لکھا گیا ہے پتوار مؤنث ہے اس لیے عزم کی پتوار ہونا چاہیے۔
مقطع میں بھی لفظ :نہ" مصرعہ ثانی کو وزن سے خارج کر رہا ہے

[/b]

[Hasan Aatish]

ربانی بھائی آداب
شکریہ آپ کا کہ آپ نے اتنی زحمت کی۔انشا اللہ میں ان خامیوں کو دور کرنے کی کوشش کروں گا۔امید ہے آگے بھی آپ رہنمائی کرتے رہیں گے۔
مگر لفظ پتوار پر ایک بار اور غور فرماتے تو بہتر تھا۔اور مقطع میں نہ کو ایسے لکھنا چاہئے تھا نا تب شاید بحر پر پورا اترتا۔

[sfaseehrabbani]

محترم حسن صاحب!
آپ کابہت شکریہ۔
لفظ پتوار پر غور کرنے کا حکم آپ نے دیا تو میں نے فیروز اللغات میں دیکھا اس میں اسے مؤنث ہی بتایا گیا ہے۔ اگر آپ کہتے ہیں کہ یہ جمع استعمال ہوا ہے تو عزم کی پتوار میں 'کی' کو 'کے' کر دینے سے جمع نہیں ہو جائے گا بلکہ عزم کی پتواروں ہو گا۔ اسی مصرعے میں "کر،سر" بھی مصرعے کی روانی کو متاثر کر رہے ہیں، ان کو بھی دیکھ لیجیے گا۔
آخری مصرعے کے بارے میں آپ نے ٹھیک کہا ہے کہ "نہ" کو "نا" لکھنے سے وزن ٹھیک ہو جاتا ہو بلکہ شاید اسے "ناں" لکھنا چاہیے۔
مخلص
شاہین فصیح ربانی

[/b]

[Hasan Aatish]

معاف کیجیئے گا میں آپ سے گزارش کرسکتا ہوں حکم دینے کا سوچ بھی نہیں سکتا۔ دراصل پتوار ایک ہندی لفظ ہے اور موئنث ہے جیسے پون۔مگر کچھ لوگوں نی ان کو مذکر بھی استعمال کیا ہے جیسے شکیل کا وہ گیت "کشتی بھی گئی ہاتھ سے پتوار بھی چھوٹا "بس غلطی ہوگئی آئندہ خیال رکھوں گا۔مقطع میں نہ بھی لکھوں تو میرے خیال سے صحیح ہوگا کیونکہ فاعلاتن مصرع کے شروع میں فعلاتن کی شکل بھی اختیار کر سکتا ہے۔ویسے آپ کا حکم سر آنکھوں پر۔میں مطلع اور مقطع کے مصرعے بدل دیتا ہوں "سنگ اس کو دے دیا ہے مجھ کو اک شیشہ تو دے "اور "گر نہ ہو آب رواں اک ریت کا دریا تو دے "۔جواب کا منتظر

[sfaseehrabbani]

معاف کیجیئے گا میں آپ سے گزارش کرسکتا ہوں حکم دینے کا سوچ بھی نہیں سکتا۔ دراصل پتوار ایک ہندی لفظ ہے اور موئنث ہے جیسے پون۔مگر کچھ لوگوں نی ان کو مذکر بھی استعمال کیا ہے جیسے شکیل کا وہ گیت "کشتی بھی گئی ہاتھ سے پتوار بھی چھوٹا "بس غلطی ہوگئی آئندہ خیال رکھوں گا۔مقطع میں نہ بھی لکھوں تو میرے خیال سے صحیح ہوگا کیونکہ فاعلاتن مصرع کے شروع میں فعلاتن کی شکل بھی اختیار کر سکتا ہے۔ویسے آپ کا حکم سر آنکھوں پر۔میں مطلع اور مقطع کے مصرعے بدل دیتا ہوں "سنگ اس کو دے دیا ہے مجھ کو اک شیشہ تو دے "اور "گر نہ ہو آب رواں اک ریت کا دریا تو دے "۔جواب کا منتظر

محترم حسن صاحب! آپ حکم ہی دیجیے مجھے خوشی ہو گی۔
مقطع میں مصرعے کے شروع میں "نہ" لکھنا درست نہیں کہ اس بحر(رمل مثمن مقصور و محذوف) میں ایسا نہیں ہو سکتا اگر آپ کی غزل بحر رمل مثمن مخبون مقصور و محذوف میں ہوتی تو پھر آپ اس سے فائدہ اٹھا سکتے تھے۔
مطلع اور مقطع کے مصرعے اب بہتر ہیں۔
اس مصرعے میں "نہ ہو" کی جگہ "نہیں" کر دیجیے؛- "گر نہہں آب رواں اک ریت کا دریا تو دے "
مخلص شاہین فصیح ربانی

[/b]

[Hasan Aatish]

محترم شاہین فصیح ربانی آداب
شکریہ آپ کے اس خلوص اور مہر بانی کی۔امید ہے مجھ پر آپ کے کرم کا سلسلہ یونہی جاری رہے گا۔
نیاز مند حسن آتش