urdu bandhan ke naam Tarahee Ghazal

[Ehsan Raza]

Ghazal aapki SamaatoN men

Na hotey is tarha hargiz meri tahreer ke tukreH
Jo us dil men utar jatey meri Tasweer ke tukreH

Muhabbat qalbe insani pe kuch aoraq likh detee
NaheeN hotey agar is wadiye kashmeer ke tukreH

Lahoo rotey makanoN se sadayeN aa rahee hon gi
yeh kisne ker diye ajdaad ki taameer ke tukreH

JahaN sadiyoN azanon ki sada kano men ayee thee
waheeN per ho gaye allah ki Takbeer ke tukreH

Ghalat dekha tha humne ayena khanaye ulfat meN
Tumharey paoon choomengey meri tahreer ke tukreh

pohanch jatey kabhi jo aasmano ki bulandee tak
PareH hain ab unhee pairoN meN kuch zanjeer ke tukreH

wazahat ker gayee jo rutbaye Aley mohammad ki
Na ker paya koi quraan ki us tafseer ke tukreH

NaheeN samjha hai jo Ehsan - ranjhey -ki mohabbat ko
woh zalim roz ker deta hai apni heer ke tukreH