" jaise taSweer lagaa de ko'ee deewaar ke saath "

Post by **ismail ajaz** » Thu Sep 29, 2011 6:24 pm

ek taaZah kalaam ke saath Khayaal kaa urdubandhan aur uske chaahne waaloN ko aadaab
Arz Khidmat hai

naaow chaltee rahe biphre huwe maNjdhaar ke saath
mauj laRtee hai tow laRtee rahe patwaar ke saath

zindagee waqt kee tuGhyaanee se Doobe ubhre
saaNs rukne lage ummeed kee raftaar ke saath

uR rahaa hai jo tuu be Khauf saa paNchhee aazaad
daam meN aa'ey gaa Sayyaad ke , pinddaar ke saath

hosh jabb aa'ey gaa ikk roz tujhe ay SaaHeb
maantaa jaa'ey gaa har baat tuu inkaar ke saath

haiN sitamgar mire dil par tire aiHsaan bohot
zaKhm naasoor bane jaate haiN guftaar ke saath

kal talak chup kee mohr tujh peh yuN lag jaa'ey gee
" jaise taSweer lagaa de ko'ee deewaar ke saath "

jisko mil jaa'ey urooj uspeh zawaal aataa hai
waqt aa'eenah dikhaataa hai , tow kirdaar ke saath

maiN naheeN Dartaa "Khayaal" naa hee maiN ghabraataa hooN
khul ke kaih detaa hooN har baat baRe pyaar ke saath

Ismail Ajaz Khayaal

Post by **najeeb** » Fri Sep 30, 2011 3:12 pm

Masha-Aallah, bohat khoob.

raushanjahan · Post by **raushanjahan** » Sun Oct 02, 2011 5:41 am

Khayal saheb
Keya kahnay
Bohat bohat daad
Mukhlis:Raushan Jahan

Post by **Hasan Aatish** » Wed Oct 05, 2011 2:18 am

Khayal saheb Keya kahnay Bohat bohat daad hazir hai.

Post by **ismail ajaz** » Mon Oct 10, 2011 4:29 am

najeeb wrote:Masha-Aallah, bohat khoob.

janaab moHtaram NAJEEB SaaHeb
Allah aap ko dunyaa o aaKhirat kee KhushiyaaN aur izzateN marHamat farmaa'ey aapkaa beHad shukriyah
mamnoon

Post by **ismail ajaz** » Mon Oct 10, 2011 4:31 am

raushanjahan wrote:
Khayal saheb
Keya kahnay
Bohat bohat daad
Mukhlis:Raushan Jahan

rausha jahan SaaHebah
haNstee rahiye muskuraatee rahiye
Allah aapko duniyaa o aaKhirat kee KhushiyaaN aur izzatteN Ataa farmaa'ey
mamnoon

Post by **ismail ajaz** » Mon Oct 10, 2011 4:33 am

Hasan Aatish wrote:Khayal saheb Keya kahnay Bohat bohat daad hazir hai.

janaab moHtaram HASAN AATISH SaaHeb
zarrah nawaazee hai aapkee ,Allah aapko sadaa Khush rakkhe dunyaa o aaKhirat kee izzateN Ataa farmaa'ey
mamnoon

" jaise taSweer lagaa de ko'ee deewaar ke saath "

" jaise taSweer lagaa de ko'ee deewaar ke saath "

Re: " jaise taSweer lagaa de ko'ee deewaar ke saath "

Re: " jaise taSweer lagaa de ko'ee deewaar ke saath "

Re: " jaise taSweer lagaa de ko'ee deewaar ke saath "

Re: " jaise taSweer lagaa de ko'ee deewaar ke saath "

Re: " jaise taSweer lagaa de ko'ee deewaar ke saath "

Re: " jaise taSweer lagaa de ko'ee deewaar ke saath "