Shair ka jawab shair main dejeye

Aanchal · Post by **Aanchal** » Wed Mar 30, 2005 8:53 am

assalamalikum
ham apni is Anjuman main aik or thread ka izafa kartay hain

is main aap ko ashar hi likhnay hain or aglay member ko us shair kay jawab main koi shair likhna hoo ga theek hai ?
yeh koi naya sisila nahi hai sab ko ata hoo ga kay kaisay kheelna hai yeh

aisay threads say humaye kafi kuch seekhnay ko milta hai

to chlian janab sab say pehlaye main shuru karti houn

Aap aye bazm main itna to Meer nay deekha
pher is kay bas charaghoun main roushni na rahi

Post by **Ibn-e-siddique** » Thu Mar 31, 2005 12:15 pm

assalam-o-alaikum

bahot acha silsila hai, bas she'r likhte vaqt is baat ka khayaal rakha jaaye ke javaaban jo she'r likha jaa rahaa hai, us ka koi na koi rabt pichle she'r se hona chaahiye :)

lijiye aap ke javaab meiN she'r Haazir hai :

maiN chalaa hooN tiree bazm se is tarHa
zakhm khaate hue, gham uThaate hue

Aanchal · Post by **Aanchal** » Thu Mar 31, 2005 1:46 pm

Yeh akhri khat , akhri tasweer bhi lay ja
main bhoolnay waloun ki nishani nahi reakhta

yehi jawab hoo sakta hai is ka lolz

Abdullah Nazir · Post by **Abdullah Nazir** » Thu Mar 31, 2005 5:06 pm

Ham bhoolne waalaoN ko bhulaadete heiN lekin

dete heiN jo toHfah, kabhii waapus nahiN lete.

Nazir.

Post by **Ibn-e-siddique** » Fri Apr 01, 2005 12:09 pm

bhoole haiN kis taraH se unheN muddatoN meiN ham
qistoN meiN khudkushi ka mazaa ham se poochiye

Abdullah Nazir · Post by **Abdullah Nazir** » Sat Apr 02, 2005 2:18 pm

Kisko hei khauf-e-kharzaar-e-alam

jab miraa ghamguzaar baaqii hei.

Nazir.

Post by **Hashmat Usmani** » Sun Apr 03, 2005 4:29 am

Khabar-e-taHaiyur-e-'ishq sun, na junuuN rahaa, na parii rahii
na to tuu rahaa, na to maiN rahaa, jo rahii so b_Khabarii rahii

Abdullah Nazir · Post by **Abdullah Nazir** » Tue Apr 05, 2005 1:42 am

saaqi kii ek nigaah ne, mastiy-e-umr bakhsh dii

jaane kidhar ko rind ne, baadah o jaam rakh diyaa.

Nazir.

Post by **Hashmat Usmani** » Thu Apr 07, 2005 3:02 am

Ghair leN maHfil meN bose jaam ke
ham raheN yuuN tashna_lab paiGhaam ke

Abdullah Nazir · Post by **Abdullah Nazir** » Thu Apr 07, 2005 5:41 pm

"binaay-e-kaAbah paRti hei jahaaN ham khisht-e-khum rakhdeN

jahaaN saaghar paTak deN chashma-e-zam-zam ubaltaa hei."

Nazir.

Post by **Hashmat Usmani** » Fri Apr 08, 2005 1:15 am

zindagii sirf moHabbat nahiiN, kuchh aur bhii hai!
zulf-o-ruKh_saar ki jannat nahiiN, kuchh aur bhii hai!
bhookh aur pyaas ki maari huyii is dunyaa meN
'ishq hii ek Haqeeqat nahiiN, kuchh aur bhii hai!

Post by **Hashmat Usmani** » Sat Apr 09, 2005 3:00 am

moHabbat kii tabii'at meN 'ajab takraar kii Khuu hai
k yeh iqraar ke lafzoN ko sunaane se nahiiN thaktii
bichhaRne kii ghaRii ho, yaa koii milne kii saa'at ho
ise bas ek hii dhun hai
kaho mujh se moHabbat hai!
kaho mujh se moHabbat hai!

Abdullah Nazir · Post by **Abdullah Nazir** » Sat Apr 09, 2005 3:12 am

"MuHabbat ko muHabbat kii nishaani kaun kehtaa hei

tiri kaafir javaani ko javaani kaun kehtaa hei".

Nazir

Post by **Hashmat Usmani** » Sat Apr 09, 2005 3:24 am

aisaa nahiiN k un se moHabbat nahiiN rahii
jazbaat meN vo pahlii sii shiddat nahiiN rahii

Post by **Hashmat Usmani** » Mon Apr 11, 2005 3:14 am

ruuH be_chain hai, ik dil kii aziiyat kia hai
dil hii sho'la hai to ye soz-e-moHabbat kia hai
vo mujhe bhuul gaii, iskii shikaayat kia hai
ranj to ye hai k ro-ro ke bhulaayaa hogaa

Shair ka jawab shair main dejeye

Shair ka jawab shair main dejeye

Ham bhoolne waalaoN

javab

javaab

Javaab

javaab