اردو کی آواز :احمد علی برقی اعظمی

[aabarqi]

اردو کی آواز :احمد علی برقی اعظمی

وِردِ زباں ہو سارے جہاں میں اردو کی آواز
گونجے مسلسل کون و مکاں میں اردو کی آواز

شامل ہو اخلاص سبھی کا نشر و فروغِ اردو میں
دبے نہ فکرِ سود و زیاں میں اردو کی آواز

اردو غزل اصناف سخن میں ہے سب سے مقبول
اس سے بلند ہے سارے جہاں میں اردو کی آواز

غالب ،داغ اور میر و مومن ہیں اس کی پہچان
مستحکم ہے تاب و تواں میں اردو کی آواز

ہیں اقبال کے اس میں ترانے جن کی ہے ہر سو دھوم
سب کی پسند ہے پیر و جواں میں اردو کی آواز

[sbashwar]

bohat khoob.

[azeezbelgaumi]

waaah............. bahut khoob......... subhan Allah.......... daad hazir hai barqi shb

[aabarqi]

مکرمی سالم احمد باشوار صاحب اور محترم عزیز بلگامی صاحب
باعثِ عز و شرف ہے یہ نوازش آپ کی
اس عنایت کے کے لئےمیں آپ کا ممنون ہوں
مخلص
برقی اعظمی