ہوش کھو دیتے ہیں ہم اپنے جہاں ہوتے ہیں

Post by **ismail ajaz** » Sun Jul 04, 2021 9:27 am

قارئین کرام آداب عرض ہیں ایک فی البدیہہ کلام پیشِ خدمت ہے امید ہے آپ احباب اپنی محبتوں سے نوازیں گے
عرض کیا ہے
۔۔۔۔۔۔۔۔۔۔۔۔۔۔۔۔۔
گھر نہیں ہوتے وہ ویران مکاں ہوتے ہیں
جن میں الفت کے بجز رشتے رواں ہوتے ہیں

ایسے مت دیکھیے اب آپ تسلسل سے ہمیں
ہوش کھو دیتے ہیں ہم اپنے جہاں ہوتے ہیں

لے لیے ہم نے سب الزام حضور اپنے سر
یوں پریشان بھلا آپ کہاں ہوتے ہیں

اس قدر آپ کی باتوں میں ہے نفرت صاحب
دردِ دل دردِ جگر دشمنِ جاں ہوتے ہیں

زندگی اپنے حسیں رنگ بدل دیتی ہے
مرحلے زیست کے دُشوار گماں ہوتے ہیں

آپ جس طرح سے چاہیں ہمیں پرکھیں لیکن
امتحان اتنے محبت کے کہاں ہوتے ہیں

ہم گلہ شکوہ نہیں کرتے کسی سے لوگو
درد ہیں دل کے جو اندازِ بیاں ہوتے ہیں

عافیت ہوتی ہے خاموشی میں مت بھُولو خیالؔ
بولنے سے تو نہاں راز عیاں ہوتے ہیں
۔۔۔۔۔۔۔۔۔۔۔۔۔۔۔۔۔
آپ کی محبتوں کا طلبگار
اسماعیل اعجاز خیالؔ

Post by **Rehana.A** » Tue Jul 06, 2021 5:06 am

بہت خوب ہمیشہ کی طرح بہت برجستہ اور رواں کلام بہت شکریہ شیئر کرنے کے لیءے۔

Post by **ismail ajaz** » Sat Jul 10, 2021 2:50 am

Rehana.A wrote: ↑Tue Jul 06, 2021 5:06 am بہت خوب ہمیشہ کی طرح بہت برجستہ اور رواں کلام بہت شکریہ شیئر کرنے کے لیءے۔

ریحانہ صاحبہ
حوصلہ افزائی کے لیے شکرگزار ہوں میں
آپ کی ذرّۃ نوازی ہے
اللہ آپ کو شاد و آباد رکھے سدا سلامت رہیے

ہوش کھو دیتے ہیں ہم اپنے جہاں ہوتے ہیں

ہوش کھو دیتے ہیں ہم اپنے جہاں ہوتے ہیں

Re: ہوش کھو دیتے ہیں ہم اپنے جہاں ہوتے ہیں

Re: ہوش کھو دیتے ہیں ہم اپنے جہاں ہوتے ہیں