مہنگی پڑے گی دیکھ تجھے دوغلی یہ چال

[ismail ajaz]

قارئین کرام ایک 19 ستمبر 2022 میں لکھا غیر مردّف کلام احباب ذوق اور پاکستان کی سیاسی جماعتوں اور ان کے چاہنے والوں کی نذر امید ہے پسند آئے گا
عرض کیا ہے
۔۔۔۔۔۔۔۔۔۔۔۔۔۔۔۔
دشمن کے ساتھ مل کے مجھے گھر سے مت نکال
مہنگی پڑے گی دیکھ تجھے دوغلی یہ چال

رب کے سوا کوئی نہیں مشکل کشا خیالؔ
ہے کون دو جہاں کی جو مشکل کو دے گا ٹال

دھوکہ میں دے رہا ہوں فقط اپنے آپ کو
دے اور کوئی دھوکہ مجھے کس کی ہے مجال

تو کھیلتا ہے لوگوں کے جذبات سے مگر
لوگوں پہ ہو چکا ہے عیاں تیرے دل کا حال

تو چاہتا ہے لوگ کریں تیرا احترام
کر تو بھی احترام کسی کی نہ پگ اچھال

کیوں دوسروں کے عیب بیاں کر رہا ہے تو
دیکھ آئینہ تو عیب کبھی خود میں بھی نکال

دنیا بدلنے کا ترے دل میں جنون ہے
باتیں بنانے کے سوا بھی کوئی کر کمال

اللہ کے نظام سے تجھ کو ہے اختلاف
محشر میں ہو گا سر پہ ترے جرم کا وبال

آیا تھا تو وفاؤں کا بن کر اگر سفیر
منسوب بے وفاؤں سے کیوں تیری ہے مثال

اپنوں نے مجھ کو موت کے منہ میں دھکیل کر
الفت کا مجھ سے خوب کیا تذکرہ خیالؔ
۔۔۔۔۔۔۔۔۔۔۔۔۔۔
آپ کی توجہ کا طلبگار
اسماعیل اعجاز خیالؔ