کون پکڑا جائے گا کس کو سزا دی جائے گی
Moderator: Muzaffar Ahmad Muzaffar
-
ismail ajaz
- -
- Posts: 419
- Joined: Tue Jan 13, 2009 12:09 pm
کون پکڑا جائے گا کس کو سزا دی جائے گی
قارئین کی خدمت میں آداب ، ایک
۵ دسمبر ۲۰۲۲ کا لکھا کلام پیشِ خدمت ہے ، امید ہے پسند آئے گا
عرض کیا ہے
۔۔۔۔۔۔۔۔۔۔۔
آنکھ کے آگے سے چلمن جب ہٹا دی جائے گی
جو تری منزل ہے بندے سب دِکھا دی جائے گی
دیر تک اب عورتوں کو گھورنا اک جرم ہے
کون پکڑا جائے گا کس کو سزا دی جائے گی
کس طرح قانون کا اس ملک میں ہو گا نفاذ
جب بُرے ہر فعل سے قدغن ہٹا دی جائے گی
روز جینے کے لیے مرنا پڑے گا اب تمہیں
سانس لینے پر بھی پابندی لگا دی جائے گی
جھوٹ بولو گے تو پاؤ گے سبھی کا ساتھ تم
سچ اگر بولو گے تو گردن اُڑا دی جائے گی
جاں نکل جائے اگر ہو خرچ کارِ خیر پر
اور بدکاری پہ دولت سب لُٹا دی جائے گی
اپنی مرضی سے نہیں ہے جسم میں جب روح قید
کیسے مرضی سے رہائی کی صدا دی جائے گی
آپ نے دیں بدعائیں ہر گھڑی کھل کر ہمیں
پر ہماری سَمت سے ہر پل دعا دی جائے گی
چار دن کی زندگی ہے آخرت کا پھل خیالؔ
کامرانی نامرادی سب تھما دی جائے گی
۔۔۔۔۔۔۔۔۔۔۔۔
آٓپ کی توجہ کا طلبگار
اسماعیل اعجاز خیالؔ
- Attachments
-
- کون پکڑا جائے گا کس کو سزا دی جائے گی.jpg (139.06 KiB) Viewed 280 times
محبّتوں سے محبّت سمیٹنے والا
خیالؔ آپ کی محفل میں آج پھر آیا
muHabbatoN se muHabbat sameTne waalaa
Khayaal aap kee maiHfil meN aaj phir aayaa
Ismail Ajaz Khayaal
(خیال)