anta_aksharii...gaanoN kii bait_baazii

Post by **Hashmat Usmani** » Sat Apr 16, 2005 12:49 am

salaam dosto,

ham she'roN kii bait_baazii ka khel to khel hii rahe haiN, lihaaza sochaa ki ab ek laRii gaanoN kii bait_baazii [anta_aksharii: ant=end; akshar=Harf] kheli jaaye. kia Khayaal hai? aap Indian ya Pakistanii filmoN ke gaane QOUTE kar sakte haiN. THEEK?

maiN ne yeh baat NOTE kii hai ki jis qism kii "bait-baazii" kaa khel ham khel rahe haiN us meN urdu ke Huroof-e-tahajjii iste'maal karte haiN...yeh baat hai to munaasib magar is meN ek mushkil dar_pesh aatii hai...aur vo yeh hai ki hamaare diye gaye she'roN kaa Khaatima chand Huroof par hii hote haiN, masalan YE, ALIF, NOON, HE [majhoola] aur kisi Had tak VAAO, is taraH khel meN dil_chaspii baaqii nahiiN rahtii.

is noqs ko raf'a karne ke liye maiN ne ek tarkeeb sochii hai. aur vo tarkeeb hai:

she'r ke jawaab meN aap jo bhii she'r deNge vo AAKHRI lafz ke AAKHIRI Harf se shur'uu hone ke bajaaye she'r ke PAHLE lafz ke PAHLE Harf se shur'uu hogaa, masalan:

she'r:

kia se kia ho gaya, be_vafaa! tere pyaar meN
chaahaa kia, kia milaa! be_vafaa! tere pyaar meN

ab agla she'r diye gaye she'r ke aaKhirii lafz ke aaKhirii Harf Harf-e-"NOON" se shur'u hone ke bajaaye she'r ke pahle lafz ke pahle Harf se shur'u hogaa. ya'nii Harf-e-"KAAF". Theek?

so, lets get ROLLING:

pahle gaane ke bol haiN:

aane se uske aaye bahaar
jaane se uske jaaye bahaar
baRi mastaanii hai merii meHbooba
merii zindagaanii hai merii meHbooba

gulukaar: MoHammad Raf'ii
film: Jeene Kii Raah

agla naGhma Harf-e- "ALIF" se marHamat farmaayeN. shukria

Post by **Hashmat Usmani** » Sun Apr 17, 2005 11:38 pm

OOPS!!!

jo RULES maiN ne bataaye haiN us Hisaab se yeh anta_aksharii hamesha 'ALIF" se hii hotii rahegii...

chaliye maiN ne RULES Theek kar diyaa hai...ab se aapko agla gaanaa pahle lafz ke aaKhirii Harf se denaa hogaa. Theek?

:mrgreen: =D>

aapke naGhme ke pahle lafz "AAJ" kaa aaKhirii Harf thaa "JEEM", so Harf-e-"JEEM" se agle gaane ke bol shur'u hote haiN:

jab jab bahaar aayii, aur phool muskuraaye
mujhe tum yaad aaye, mujhe tum yaad aaye

mere gaane ke pahle lafz "JAB" ka aaKhirii Harf hai "BE" so, agla gaanaa Harf-e-"BE" se dijiiye. shukria.

Post by **Hashmat Usmani** » Mon Apr 18, 2005 4:09 am

Harf-e-"DAAL" se yeh gaanaa:

dard-e-dil, dard-e-jigar, dil meN jagaayaa aapne
pahle to maiN shaair thaa, 'aashiq banaayaa aap ne

ittafaaqan, agla naGhna bhii Harf-e-"DAAL" se hii.

Post by **Hashmat Usmani** » Mon Apr 18, 2005 11:15 am

lafz-e-"DhuunDho" meN aaKhirii lafz URDU ke Hisaab se "VAAO" hai, is liye:

Harf-e-"VAAO" se gaanaa:

vahaaN kaun hai tiraa? musaafir jaayegaa kahaaN?
dam le le ghaRii bhar! yeh chhaiNyaaN paayegaa kahaaN!!

gulu-kaar: S.D. Burman
film: Guide

agla naGhma Harf-e-"NOON" se

Post by **Hashmat Usmani** » Thu Apr 21, 2005 12:31 am

mere mai'Hbuub! tujhe merii moHabbat kii qasam
phir mujhe nargisii aaNkhoN kaa sahaaraa de de

guluu_kaar: MoHammad Raf'ii
film: Mere Mai'Hboob

aglaa gaanaa Harf-e-"YE" se

Post by **Hashmat Usmani** » Thu Apr 21, 2005 5:25 am

chhoTi "he" se:

ham_dam mere! maan bhii jaao, kahna mere pyaar kaa
are halkaa, halkaa...surKh laboN pe...rang to hai iqraar kaa

guluu_kaar: MoHammad Raf'ii
Film: mere sanam

agla gaanaa Harf-e-"meem" se

Post by **Hashmat Usmani** » Fri Apr 22, 2005 2:31 am

na na kar ke pyaar mujhi se kar baiThiiN
karna thaa inkaar, magar iqraar mujhii se kar baiThiiN

gulu_kaar: Lata Mangeshkar
Film: Professor

Harf-e-"ALIF" se

Post by **Hashmat Usmani** » Fri Apr 22, 2005 12:38 pm

sara_j wrote:
Hashmat Usmani wrote:na na kar ke pyaar mujhi se kar baiThiiN
karna thaa inkaar, magar iqraar mujhii se kar baiThiiN

gulu_kaar: Lata Mangeshkar
Film: Professor

Harf-e-"ALIF" se
gaane ke sahi bol likhiye please.

awaara hoon....awaara hoon

yaa gardish mein asmaan ka taara hoon.

oh to kia gaane ke bol Ghalat the? chaliye koii baat nahiiN...kia farq paRta hai! ;)

Harf-e-"ALIF" se naGhmaa Haazir hai:

aa jaa! aaii bahaar! dil hai be_qaraaroN meN
Raaj Kumaar! tire bin rahaa na jaaye, aa jaa!

gulu_kaarah: Lata Mangeshkar
Film: raaj Kumaar

agla naGhma Harf-e-"ALIF" se hii!

rahmed25682 · Post by **rahmed25682** » Fri Apr 22, 2005 8:38 pm

Salam Dosto ...

ALIF say gana paish hay ...

IK HASEEN SHAAM KO DIL MERA KHO GAYA

Singer : M.Rafi

Khush rahain

Khair Andesh

Raheel Ahmed

Post by **Hashmat Usmani** » Fri Apr 22, 2005 8:51 pm

Harf-e-"KAAF" se gaanaa pesh-e-Khidmat hai:

kabhii kabhii mire dil meN Khayaal aataa hai
ki jaise tujhko banaayaa gayaa hai mere liye

agla gaanaa Harf-e-"YE" se plz

Post by **Hashmat Usmani** » Fri Apr 22, 2005 11:59 pm

Saara aapko shaayad yaad nahiiN ... ham agla gaanaa diye gaye gaane ke pahle lafz ke aaKhiri Harf se dete haiN...yaad aayaa?

to aapkaa pahla lafz thaa YEH to mujhe aaKhirii Harf ya'nii Harf-e-"chhoTi he" se gaanaa pesh-e-Khidmat hai:

ham aapakii aa.Nkho.n me.n, is dil ko basaa de.n to
ham muu.Nd ke palako.n ko, is dil ko sazaa de.n to
ham aapakii aa.Nkho.n me.n, is dil ko basaa de.n to

guluu_kaarah: Asha Bhosle
Film: Pyaasaa

agla gaanaa Harf-e-"MEEM" se

Post by **Hashmat Usmani** » Sat Apr 23, 2005 4:57 pm

lafz-e-"mere" ke aaKhirii Harf "YE" se gaanaa Haazir-e-Khidmat hai:

yuNhii tum mujh se baat kartii ho
yaa koii pyaar kaa iraada hai
adaayeN dil kii jaantaa hii nahiiN
miraa ham_dam bhii kitnaa saadaa hai

guluu-Kaar: MoHammad Raf'ii AUR Lata Mangeshkar
Film: Maryaada [?]

agla gaanaa Harf-e-"YE" se plz.

Post by **Hashmat Usmani** » Sun Apr 24, 2005 4:09 am

huii shaam unkaa Khayaal aa gayaa
vohii zindagii kaa savaal aa gayaa

guluu_kaar: MoHammad Raf'ii
Film: Mere Hamdam Mere Dost

aglaa naGhmaa Harf-e-"YE" se plz

Post by **Hashmat Usmani** » Sun Apr 24, 2005 10:16 pm

huye haiN tum pe 'aashiq ham, bhalaa maano, buraa maano!
yeh chaahat ab naa hogii kam, bhalaa maano, buraa maano!!

guluu_kaar: MoHammad Raf'ii
Film: Mere Sanam

agla naGhma Harf-e-"YE" se plz

Post by **Hashmat Usmani** » Mon Apr 25, 2005 4:06 am

dost dost naa rahaa
pyaar pyaar naa rahaa
zindagii hameN teraa
ai'tabaar naa rahaa,
ai'tabaar naa rahaa

guluu_kaar: Mukesh
Film: Sangam

agla gaanaa Harf-e-"TE" se, plz.