Alif se shuroo hone waale ashaar yahaN post kareiN

Post by **najma** » Wed Apr 27, 2005 11:16 am

aeygii ta,beer KHAWAR! jane kab

khaab ham dekha kiye haiN umr bhar
khawar qureshi

Post by **Mahtab Qadr** » Wed Apr 27, 2005 1:11 pm

agar aye nakhudaa toofaan se larhne ka dam kham hai
idhar kashtee ko mat laana ,idhar paani bahut kam hai

(namaloom)

Post by **najma** » Wed Apr 27, 2005 1:14 pm

ik ajnabii ko samajhta raha maiN kyuuN apna?
wo mere paas raha, phir bhi bhi duur duur raha
khawar qureshi

Post by **najma** » Wed Apr 27, 2005 7:28 pm

ik doosre se poochte haiN log, kya hua?
halaaN-k hay har-ek ko haalaat kii khabar
khawar qureshi

Post by **najma** » Wed Apr 27, 2005 8:46 pm

dunya wrote:

Isii kaa naam hei shayad safar meiN dooriy-e-manzil

saraabaoN per gumaaN paani kaa, paani aankh se oujhal.

waaah bohat khoob dunya!

ek chehra shafaq-e-surkh se ubhra sar-e-shaam
ik sitara miree aaghosh-e-nazar meiN utra
khawar qureshi

Post by **Hashmat Usmani** » Wed Apr 27, 2005 9:35 pm

aaj kia dekhaa KhalaaoN ke sunehre Khowaab meN
reg_zaaroN ke sivaa kuchh bhii nahiiN mah_taab meN

Prem WarbarToni

Post by **najma** » Wed Apr 27, 2005 10:44 pm

aate rahay haiN nazm-e-gulistaaN meiN inqilaab
hotii rahii haiN yuurisheN baad-e-sumoom kii
khawar qureshi

Post by **Hashmat Usmani** » Wed Apr 27, 2005 11:41 pm

ek hameN aawaara kahnaa koii baRaa ilzaam nahiiN
duniyaa_waale dil vaaloN ko aur bahut kuchh kahte haiN

Habiib Jaliib

Post by **najma** » Thu Apr 28, 2005 12:11 am

apni barbaad mohabbat ke maiN charche kar looN
jee meiN aaee hay, bayaaN Gham ke maiN qisse kar looN
khawar qureshi

Post by **Hashmat Usmani** » Thu Apr 28, 2005 1:52 am

amn kaa jo paiGhaam sunaane_waale haiN
galiyoN_galiyoN aag lagaane_waale haiN

Jaamid Deobandii

Post by **najma** » Thu Apr 28, 2005 1:56 am

azdahay makr-o-riya ke kaee takhleeq liye
phir fareb us ne bohat hastii-e-insaaN ko diye
khawar qureshi

Post by **najma** » Thu Apr 28, 2005 2:00 am

aanch phir tez huee jaatii hay
ye lapakte huey sholay bhi haiN kitne shaffaaf
khawar qureshi

Post by **Hashmat Usmani** » Thu Apr 28, 2005 2:02 am

aabaad kar ke shahr-e-KhamoshaaN har ek suu
kis khoj meN hai teGh-e-sitam_gar lagii huii

Faiz AHmad "Faiz"

Post by **najma** » Thu Apr 28, 2005 2:09 am

aag se surkh dehekte huey rukhsaaroN ko
ashk-e-Gham-khaar ka sam zard naheeN kar sakta
khawar qureshi

Post by **Hashmat Usmani** » Thu Apr 28, 2005 2:17 am

ik 'ishq kaa Gham aafat, aur us pe yeh dil aafat
yaa Gham na diyaa hotaa, yaa dil na diyaa hotaa

CharaaGh Hasan "Hasrat"