::: Dil maiN nihaaN rahoN k nazar se a'yaaN rahoN ? :::

[Star Mind]

moHtaramaat-o-moHtarameen-e-meHfil, aadaab :)

ab choNkeh ham "SUFFER" se waapas aagaye haiN , is leye sochaa k Khaail haath naa aayeN , balke kuch nahiN to aek a'dad KhoobSoorat Ghazal k saath Hazir hoN , taa k aHbaab ki nazreN hamaare chehre par safar ki thakan na dekh paayeN , balke un ki nigaaheN agar socheN yaa dekheN to us KhoobSoorat GHAZAL ko hi .......!! :D

waaziH rahe k yahaaN KHOOBSOORAT k woh ma'aani nahiN jo aap soch rahe haiN , yahaaN is muraad "TUK-BANDI" hai

aur is beHr maiN ye hamaari pehlee kaavish bhi hai ....... is leye zaraa iHtiyaat se paRheyega !

daad to mujhe yaqeen hai k aap deNge hi !! kyoN ? bajaa farmaayaa na ham ne ? :D

aap bhi sochte hoNge ye baar baar kehne ki kyaa zaroorat hai k "Hasb-e-ma'mool aap k ta'accuraat ka intezaar rahyegaa !" hai na ? ab aap ye mat kaheye k phir hameN baar baar daad dene ki kyaa zaroorat hai

to lejeye Ghazal Haazir hai :-

::: Urdu Version :::



::: Roman Version :::

1.
dil maiN nihaaN rahoN k nazar se a'yaaN rahoN ?
tuu hii bataa mujhe k maiN aaKhir kahaaN rahoN ?

2.
ik lamHa-e-Hayaat hai , woh bhi dhowaaN dhowaaN ! :smt120
us par naSeeb kehta hai maHv-e-fuGhaaN rahoN !

3.
merii bhi just-joo hai kesii dil k dasht maiN !
yaa rab ! nigaah-e-yaar se kab tak nihaaN rahoN ?

4.
ahl-e-junoN ki bazm ho yaa majlis-e-Khirad !
meHfil sajaaoN yaar ki , maiN to jahaaN rahoN ! :D

5.
siHraa maiN koi Qais na jaNgal maiN Heer hai
koii maqaam-e-shauq nahiN hai, kahaaN rahoN ?

6.
meHfil ki aabroo hoN to phir ay nigaah-e-shauq !
ban kar chiraaGh-e-Husn ka kyoN kar dhuwaaN rahoN ?

7.
Jis baaGh maiN u'roos-e-bahaaraaN ka QaSr hai
dil mera chaahtaa hai , maiN bhii wahaaN rahoN ! :D

8.
sheereeN lisaan hoN , dil-e-aadam ki shaan hoN
Urdu zabaan hoN , to kiyoN be-zabaaN rahoN ?

aap ne do sar waale saaNp to sune hi hoNge , ab do maqta;oN waali Ghazal bhi dekh lejeye

maqta; no 1;

9.
:Meer-o-Firaaq-o-Ghaalib-e-sheereN: bayaaN ki tarH
aise suKhan kahoN k :Zia: jaavidaaN rahoN !

maqta' no 2;

samjhaaye kon aa k :Zia: ko jahaan maiN
kambaKht chaahtaa hai , sadaa hii jawaaN rahoN ! :C

........................................................................................
Hasb-e-ma'mool asaatiza ki rahnumaaii aur aHbaab ki HauSla-afzaaii darkaar hai :D bahut bahut shukriya

moKhliS : Zia Baloch

[najma]

waah zia baloch sahib
aaj-kal to aamad pe aamad horahii hay masha allaah.khair to hay?
har sher khoob, har khayal umdah waah waah waah
aap ko poorii hi ghazal pe dilii daad pesh karte haiN ham.
qubool farmaiye

[little abbasi]

SALA/\/\.

WAH BOAHT KHOOB JI.

ATTIQ ABBASI

[Star Mind]

Waah zia saahib,

bohat khoob ghazal kahi hai aapne, sabhi ashaar bohat pasand aaye kya kehne saahib aapke! zor e qalam aur ziyada.

sara

moHtarama Saara Jabeen SaaHiba, aadaab :)

aap ne Ghazal ki ta'reef maiN jis fayyazi se kaam liyaa hai , mere paas shukriyaa k alfaaz nahiN ! bahut bahut shukriya

moKhliS: Zia Baloch

[Star Mind]

waah zia baloch sahib
aaj-kal to aamad pe aamad horahii hay masha allaah.khair to hay?
har sher khoob, har khayal umdah waah waah waah
aap ko poorii hi ghazal pe dilii daad pesh karte haiN ham.
qubool farmaiye

Najma SaaHiba, aadaab :)

Huzoor, aamad ka sislila to jaari hai , aap ko meeri Haqeer kaavish jis tarah se pasand aayee hai us keleye maiN aap ka tah-e-dil se mamnoon hoN , bahut bahut shukriya

moKhliS: Zia Baloch

[Star Mind]

SALA/\/\.

WAH BOAHT KHOOB JI.

ATTIQ ABBASI

w/salaam

Abbasi SaaHib,

zarra-nawaazi keleye tah-e-dil se mamnoon hoN :)

moKhliS : Zia Baloch