guzaarish # 6

Post by **tahira Masood** » Sun Jun 19, 2005 5:41 pm

Sabki Khidmatt meN salaam-e-khloos

moHtermah Sara ji ki irshaad per Haaizir hoN

Mashallah moHteram Abdullah Nazir Saheb ne bohat hi khoobsurat " misra-e-terHah diay hai. bohat dilnasheeN hai.

aik naacheez si adna koshish Haazir hai, gar qabul aftadd...

waqt Haa'il hai dermiyaaN yaaro!
"tum kehaN aur meN kehaaN yaaro!"

dil kee Haalat bayaan kerne ko
saath deti nahiN azbaaN yaaro

mauj mastee k din ga'e ab tau
dil meN reht'e heN gham nehaaN yaaro

aisee be-gaanagee ki surat hai
khud kaa miltaa nahiN nishaaN yaaro

weHshat-e-dil thakan musaafat ki
mere lehje se hai AyaaN yaaro

kuch kahe koee de mujhe aawaaz
yuN nah lo aur imteHaaN yaaro

le ga'ee umr saare suud meray
haath meN reh ga'e ziyaaN yaaro

aa k peeri meN yeh huaa idraak
ikk khudaa ki hai bas amaaN yaaro

aapni raaey se zaroor mutle fermaaiaye gaa

intezaar rahe gaa

wassalam

Post by **najma** » Sun Jun 19, 2005 7:28 pm

tahira Masood wrote:Sabki Khidmatt meN salaam-e-khloos

moHtermah Sara ji ki irshaad per Haaizir hoN

Mashallah moHteram Abdullah Nazir Saheb ne bohat hi khoobsurat " misra-e-terHah diay hai. bohat dilnasheeN hai.

aik naacheez si adna koshish Haazir hai, gar qabul aftadd...

waqt Haa'il hai dermiyaaN yaaro!
"tum kehaN aur meN kehaaN yaaro!"

dil kee Haalat bayaan kerne ko
saath deti nahiN azbaaN yaaro

mauj mastee k din ga'e ab tau
dil meN reht'e heN gham nehaaN yaaro

aisee be-gaanagee ki surat hai
khud kaa miltaa nahiN nishaaN yaaro

weHshat-e-dil thakan musaafat ki
mere lehje se hai AyaaN yaaro

kuch kahe koee de mujhe aawaaz
yuN nah lo aur imteHaaN yaaro

le ga'ee umr saare suud meray
haath meN reh ga'e ziyaaN yaaro

aa k peeri meN yeh huaa idraak
ikk khudaa ki hai bas amaaN yaaro

aapni raaey se zaroor mutle fermaaiaye gaa

intezaar rahe gaa

wassalam

waah tahira sahiba!
waah

bohat achayyy

masha allaah
khoob kha hay aap ne

khoob achay khayal, acha andaz

she,r bhi khoob nikale

dilii daad qubool kijiye

Post by **tahira Masood** » Mon Jun 20, 2005 4:55 am

so kind of u Najma ji :rose

salaam

zah-e-naSeeb keh aap ne sab se pehle pazeeraaii ki

HauSlah afzaee k liay tahe-e-dil se mamnoon -o-mutashakkir hoN

khush rehN

ummeed hai keh aayndah bhi esi terah HauSalah beRhaati reheN gi

wassalam

dheron shukriye aur duaaoN k saath

Post by **Mahtab Qadr** » Mon Jun 20, 2005 6:33 am

Tahira bahen aapki ghazal bahut achi lagi , mashallah Allah kare zoore bayaN aur ziadaa :)

Post by **tahira Masood** » Mon Jun 20, 2005 1:49 pm

Mahtab Qadr wrote:Tahira bahen aapki ghazal bahut achi lagi , mashallah Allah kare zoore bayaN aur ziadaa :)

biraader-e-mann

salaam-e-khuloos

meri es Haqeer si koshish ko seraahen aur dauaaien dene per aap ki dil se shukar guzaar hoN bhaaii

aalah aap ko khsuh rakeh.aameen

wassalam

Post by **Ibn-e-siddique** » Sun Jun 26, 2005 6:56 am

tahira aapa

salaam arz hai

aap ki ye kaawish bahot pasand aayee, maashallah bahot ache mazaameen nikaale haiN aap ne

meri jaanib se daad qubool kijiye,

amjad

Post by **tahira Masood** » Wed Jul 06, 2005 12:29 pm

sara_j wrote:tahira ji,

salaam.

bohat din baad apki tehreer dekh ker dil khush hua.

aapki ghazal bohat pasand aayi, sabhi ashaar bohat ache hain

daad aur mubarakbaad qubool keejiye.

sara

Salaam

saara ji

bohat bohat aur bohat shukeriyah :rose
maiN mamnoon hoN aap ki

wassalam

Post by **tahira Masood** » Wed Jul 06, 2005 12:32 pm

Ibn-e-siddique wrote:tahira aapa

salaam arz hai

aap ki ye kaawish bahot pasand aayee, maashallah bahot ache mazaameen nikaale haiN aap ne

meri jaanib se daad qubool kijiye,

amjad

shukeriyah Amjad bahii :rose

salaam

ap ne es per apni raaey de ker ese mo'atabir ker diyaa

Jazaakomullah

khush raheN

wassalam

guzaarish # 6

guzaarish # 6

Re: guzaarish # 6