Yaaraan-e-bazm,
Aadaab!
Aap sab kii himmat afzaai ke nataaij dekhiye: ek aur ghazal pesh karne kii jurrat kar rahaa hooN.
Aap sabkii khidmat meiN:
khwaab leykar aaye tujhko
khwaab leykar aaye tujhko jab merii aaGhosh meiN
sochtaa hooN, aa sakuuN na phir kabhii maiN hosh meiN
yooN garebaaN thaa to pinhaaN shakl-e-malmal posh meiN
zikr-e-ulfat kar gayaa maiN, haif! aakar josh meiN
tuu nahiiN to yaad terii saath mere thii zaroor
the wajood-e-yaar key ehsaas chashm-o-gosh meiN
Hosh kaa pardah haTaayaa, to dikhaa ek gulsitaaN!
Zeest kaa sab husn hai us manzar-e-mad hosh meiN.
thaa saroor-e-wasl itnaa, khaak hotii guftagoo!
Khair bhii na poochh paayeN us dam-e-khaamosh meiN
yeh nashaa to, aye "Munawwar", mai se bhii chaRhtaa nahiiN!
YooN bahakne kii adaa hai kab kisii mainosh meiN?
-----------------------------------------------------------------------------
YaaroN, merii ghazal kaisii lagii bataa'iega?
Aap sabko Munawwar kaa salaam,
Mukhlis
Bhaswar Dasgupta "Munawwar"
Ghazal : Khwaab lekar aaye tujhko..
Moderator: Muzaffar Ahmad Muzaffar
Ghazal : Khwaab lekar aaye tujhko..
Bhaswar Dasgupta "Munawwar"
------------------------------------
Kabhii khursheed kii raunaq pe chhaayaa thaa nashaa yaaroN
Sunaa hai ke usii din ko "Munawwar" jee huyeN paidaa!
------------------------------------
Kabhii khursheed kii raunaq pe chhaayaa thaa nashaa yaaroN
Sunaa hai ke usii din ko "Munawwar" jee huyeN paidaa!
Re: Ghazal : Khwaab lekar aaye tujhko..
wah wah kya khwaaish hai..kya matla haiMunawwar wrote: khwaab leykar aaye tujhko jab merii aaGhosh meiN
sochtaa hooN, aa sakuuN na phir kabhii maiN hosh meiN
![Wink :wink:](./images/smilies/icon_wink.gif)
wah wah!bahut khoob kaha...!tuu nahiiN to yaad terii saath mere thii zaroor
the wajood-e-yaar key ehsaas chashm-o-gosh meiN
![Smile :-)](./images/smilies/icon_smile.gif)
wah wah kya taarefe karna ka andaaz hai..bahut khoob janaab! 8)Hosh kaa pardah haTaayaa, to dikhaa ek gulsitaaN!
Zeest kaa sab husn hai us manzar-e-mad hosh meiN.
aaye haaye..kya khoobsurat shikwah hai khud sethaa saroor-e-wasl itnaa, khaak hotii guftagoo!
Khair bhii na poochh paayeN us dam-e-khaamosh meiN
![Twisted Evil :twisted:](./images/smilies/icon_twisted.gif)
[/quote]
han jee ab aap daad qubool karein is pur suroor kalaam pe.....
![Very Happy :grin:](./images/smilies/icon_biggrin.gif)
zor-e-qalam aur ziyaada!
Shumaila