"aaraam hi aaraam hai"taza tarhi kalaam aap kay ha

[haamidbaaqri]

salaamun alaikum
dosto

taza tarhi kalaam hum aapkay hawaalay kar rahey hai.n.

gar qubool uftad zahe...........

arz kiya hai


har shareef insaa.n peh yeh ilzaam hai
nekiyo.n ko kyu.n woh karta 'aam hai

maalike kaunain ka paighaam hai
mushkilo.n kay b'aad hi aaraam hai

jhoot ka hai bolbaala dahr mei.n
sach jo kehta hai wohi badnaam hai

aarizi hotee.n hai.n khushiyaa.n jhoot ki
aakhirash iska bura anjaam hai

daar-e faani hai yeh duniya isliye
aakhirat ki chaa'h subh-o shaam hai

momin-e kaamil kahaega hashr mei.n
"ab yahaa.n aaraam hi aaraam hai"

nekiyaa.n haamid mitaatey hai.n gunaah
bas 'amal karna tumhaara kaam hai

nateejaye fikr
haamidbaaqri
al hamdulillah

[Shummu]

Salam Mohtaram Haamid sahab..remember me?

wah haamid jee mashaAllah bahut accha kalam hai hasb-e-maamool...aur sunaayein kaise hain aap?bahut dinon baad sab se humkalaam hote hue bahut khushi mehsoos ho rahi hai...chalte chalte daad haazir hai qubool farmaayein..shukriya :)

[haamidbaaqri]

Salam Mohtaram Haamid sahab..remember me?

wah haamid jee mashaAllah bahut accha kalam hai hasb-e-maamool...aur sunaayein kaise hain aap?bahut dinon baad sab se humkalaam hote hue bahut khushi mehsoos ho rahi hai...chalte chalte daad haazir hai qubool farmaayein..shukriya :)

wa alaikumussalaam
mohtaramah shumaaila saahebah

ama kahaa.n thee.n aap?

hum yeh sauch rahay they keh aap jaisee baazauq shakhsiyat yu.n achanak kaha.n gum ho gayee.n

khair bahut dino.n b'aad aayee hai.n aap kaisay mizaaj hai.n aapkay?

aapkay waalidain aur deegar aqruba kaisay hai.n.?

hamaara salaam deejiye unhe.n accha.......

aur haa.n purkhuloos daad keliye hum shukriya ada karte hai.n.

sada khush rahe.n

mukhlis
haamidbaaqri

[tahira Masood]

khush rehiN moHteram

Jazakomullaho Khairah

[haamidbaaqri]

khush rehiN moHteram

Jazakomullaho Khairah

salaamun alaikum
mohtaramah tahira masood saahebah

aap bhi khush rahe.n.

allah(sbhnwt)aapki zindagi ko khushiyo.n say bhar de.aameen

mukhlis
haamidbaaqri