Tarahi Ghazal: Abdulqayyum Sahil, Jeddah

[abdulqayyum sahil]

[
Muhtaramaat o MuHtarameen,

Adaab o Tasleemaat,

Urdubandhan kii Guzarish No.1 ke TaraHi misreA per apni ghazal paish karrahaa hooN. Ummeed ke aapki giraNqadr aaraa se mustafeed houne kaa mauqaA milega. Shukriyah.

GHAZAL

1)retiy-e-Husn meiN micaal nah hou
yooN koii paikar-e-jamaal nah hou
2)dam nikal jaye kunj-e-khalwat meiN
munkashif us pah apnaa haal nah hou
3)us prinde kii samt kyaa dekhaiN
jou hamaare liye halaal nah hou
4)ham nah deN khoon-e-dil agar apnaa
rang phoolaoN kaa itnaa laal nah hou
5)guftagu meiN mazah nahiN aataa
if koii apnaa ham-khayaal nah hou
6)sab yaqeenan hameeN se poochenge
"tum se shayad koii sawaal nah hou"
7)qatra-e-khooN badan meiN hei jab tak
aabroo koiee paa'imaal nah hou
8)khudkushi per koii kamar baandhe
zindagi isqadar muHaal nah hou
9)jis taraf bhii maiN dekhooN gulshan meiN
khaali phoolaoN se koii Daal nah hou
10)phir khushi kaa zamaanah aayegaa
shiddat-e-ranj se niDhaal nah hou
11)Dekh lo aaj khoob jii bhar ke
kyaa khabr phir kabhi visaal nah hou
12)sheesha-e-dil bhii touRde zaalim
aur us per zaraa malaal nah hou
13)Us ko khafgi nah kahiye aiy :Sahil:
tamtamaakar jou surkh gaal nah hou.
----------
End.

Khair Andesh,
Sahil,

[Star Mind]

Assalam-o-a'laikum,

moHtarami A.SaaHil SaaHib,

mashaa Allah aap ne khoob koshish ki hai, hameN jee jaan se pasand aaye !! :D . aap to mashaa Allah jab bhi khaama-farsaaii karte haiN , khoob karte haiN !! . DheeroN daad qabool kejeye . shukriya

mokhliS : Zia Baloch

[tahira Masood]

1)retiy-e-Husn meiN micaal nah hou
yooN koii paikar-e-jamaal nah hou

2)dam nikal jaye kunj-e-khalwat meiN
munkashif us pah apnaa haal nah hou

khoob!

3)us prinde kii samt kyaa dekhaiN
jou hamaare liye halaal nah hou

hahahaha


4)ham nah deN khoon-e-dil agar apnaa
rang phoolaoN kaa itnaa laal nah hou

waah kayaa baat hai :)


5)guftagu meiN mazah nahiN aataa
if koii apnaa ham-khayaal nah hou

iF ??? yeh tau angrezi kaa hai naa ghaaliban aap gar kehnaa chaah rehay thay. bahar Haal bohat a'Alaa mazmoon baandha hai.

6)sab yaqeenan hameeN se poochenge
"tum se shayad koii sawaal nah hou"

wah khoob girah lagaaee hai moHteram


7)qatra-e-khooN badan meiN hei jab tak
aabroo koiee paa'imaal nah hou

aA''alaa...

8)khudkushi per koii kamar baandhe
zindagi isqadar muHaal nah hou

color=brown]wah :D [/color]

9)jis taraf bhii maiN dekhooN gulshan meiN
khaali phoolaoN se koii Daal nah hou

achaa hai

10)phir khushi kaa zamaanah aayegaa
shiddat-e-ranj se niDhaal nah hou

zabaerdast!!!


11)Dekh lo aaj khoob jii bhar ke
kyaa khabr phir kabhi visaal nah hou

udaas magar jhoob

12)sheesha-e-dil bhii touRde zaalim
aur us per zaraa malaal nah hou

khoob ast!!!

13)Us ko khafgi nah kahiye aiy :Sahil:
tamtamaakar jou surkh gaal nah hou.

aik shaandaar ghazal per mubarikbaad qbul kereiN
wassalam