kyuN lab peh tire mere liye taanah zanee hai ?

[ismail ajaz]

urdubandhan ke chaahne waaloN ko Khayaal kaa aadaab ,ek taazah kalaam aiHbaab kee Khidmat meN

arz kiya hai

kyuN lab peh tire mere liye taanah zanee hai ?
Soorat se hai bezaar tuu , gardan bhee tanee hai

hai teraa jo farmaan wohee meraa hai kaihnaa
bheje meN tire kis liye yeh jaNg Thanee hai ?

ulfat kee tawaqqoA hai tujhe mujh se tow har pal
chehre peh tire phir bhee naheeN KhaNdah zanee hai

daa'Eee hai tuu ilm o adab shEr o suKhan kaa
kyuN teree zubaaN turshee o nafrat kee janee hai ?

nafrat kee agar dhoop ne jhulsaayaa hai tujh ko
aa meree muHabbat meN baRee chaaNowN ghanee hai

mil jul ke kareN kaam hum Allah kee raZaa meN
woh kaam "Khayaal" jis ke liye dunyaa banee hai


Ismail Ajaz Khayaal

[sbashwar]

MoHtaram Ismail Ajaz Khayaal SaHeb


daa'Eee hai tuu ilm o adab shEr o suKhan kaa
kyuN teree zubaaN turshee o nafrat kee janee hai ?

Bohat achchi ghazal hai. Maqta bhi bohat khoob hai. Daad aur mubarakbaad qubool farmayeN.

Mukhlis
Salem Bashwar

[ismail ajaz]

MoHtaram Ismail Ajaz Khayaal SaHeb


daa'Eee hai tuu ilm o adab shEr o suKhan kaa
kyuN teree zubaaN turshee o nafrat kee janee hai ?

Bohat achchi ghazal hai. Maqta bhi bohat khoob hai. Daad aur mubarakbaad qubool farmayeN.

Mukhlis
Salem Bashwar

janaab moHtaram Salem Bashwar SaaHeb

salaam pesh e Khidmat hai,aap kaa dil kee gaihraa'iyoN se shukrguzaar hooN maiN
duaa'oN meN yaad rakhiye

[nafeesa]

Ghazal par meri dad pesh hai.

[ismail ajaz]

Ghazal par meri dad pesh hai.

bohot shukriyah nafeesa SaaHebah

Allah aap ko duniyaa o aaKhirat kee izzateN aur KhushiyaaN ataa farmaa'ey

mamnoon