:: aao yaaro ! Zia se miltey haiN :-)
Moderator: Muzaffar Ahmad Muzaffar
:: aao yaaro ! Zia se miltey haiN :-)
moHtaramaat-o-moHtarameen-e-meHfil, aadaab :)
is se qabl k Ghazal paish karoN , is ka pas manzar bataana zaroori samajhtaa hoN !! :mrgreen:
dar aSl howaa youN ki maiN ne aek dosre forum par apni aek Ghazal "zindagee jis ka naam hai pyaare !" paish kii thee , jis key aek shea'r maiN , maiN ne baa-zauq aHbaab k marGhoob shaai'r janaab Raj Kumar Qais SaaHib ko manzoom khiraaj-e-a'qedat paish kartey howe kahaa thaa k
"Mere qalb-o-dimaaGh ki farHat
:Qais: Teraa kalaam hai pyaare!" :)
jis par tabSira karte howe mauSoof ne is had darja inkesaarii se kaam lete howe farmaayaa k janaab-e-Qais ko to baat karni nahiN aati, phir bhala woh kalaam kyoN kar kaheNge ??
to jawaabi comments maiN , mujh se aek aur shea'r sarzad hoaa , jo kuch youN thaa k
":Qais: kyaa jaane :Qais: ka rutbaa !!
Ham se pochoo ! k ham haiN saHraaii !!" 8)
phir kyaa thaa , chand hi minutes maiN Ghazal sarzad hogayee , jo paish-e-Khidmat hai, umeed hai k asaatiza-e-bazm maiN iSlaaHi tabSira farmaayeNge , aur deegar aHbaab himmat-afzaaii farmaayeNge !! :mrgreen: .
to lejeye Ghazal Haazir-e-Khidmat hai !
:::Urdu Version:::
:::Roman Version:::
11.
maiN ne phir jhoom kar Ghazal gaaii
dil pe jab i'shq kii ghaTaa chaaii !! :P
2.
log kehtey haiN jis ko tanhaaii
dar Haqeeqat hai meri parchaaii
3.
chaar soo , waHshatoN ka Deraa hai
zindagee ! mujhko tuu , kahaaN laaii ?
4.
maiN rah-e-i'shq ka musaafir hoN
Husn kartaa hai, raah-paimaaii ! 8)
5.
jaise taSveer ban gayaa hoN maiN
aur taqdeer hai tamaashaaii !!
6.
i'shq sey maiN na baaz aaoNgaa
mujhey manzoor hai ye ruswaaii !
7.
i'shq ko khail mat samajh pyaarey !!
is maiN jaai'z nahiN hai paspaaii !
8.
kon rehtaa hai andaroN mere
dil ? k dil dil ki Dasti tanhaaii ?
9.
:Qais: kyaa jaane :Qais: kaa rutbaa ?
ham se pochoo ! k ham haiN SaHraaii ! :mrgreen:
10.
chashm-e-nam sey Tapak lahoo ban kar
aye mire aaNsovoN ki gihraaii !! :)
11.
aao yaaro ! :Zia: se miltey haiN ! :)
kehte haiN , ban gayaa hai suadaaii !
shukriya
moKhliS : Zia Baloch 8)
Dikhaadi shaan, phir ahl-e-chaman ko, Be-niyaazi ki
Khamoshi se jhatak kar, aaj phir, dast-e-sabaa maiN ne
Zia Baloch
Khamoshi se jhatak kar, aaj phir, dast-e-sabaa maiN ne
Zia Baloch
Fatima wrote:aslaam_u_alikam
lekin hum to mil chukey hain ji ;)
koii baat nahin dubaraa mil letey hain
kesey hain zia sahib aap?
aap ka yeh kalam bhi bohat pasand aayaa. :)
maiN ne phir jhoom kar Ghazal gaaii
dil pe jab i'shq kii ghaTaa chaaii !!
hmmmmmmmmmmmmmmm ;)
log kehtey haiN jis ko tanhaaii
dar Haqeeqat hai meri parchaaii :
chaar soo , waHshatoN ka Deraa hai
zindagee ! mujhko tuu , kahaaN laaii ?
waah ji bohat khub
jaise taSveer ban gayaa hoN maiN
aur taqdeer hai tamaashaaii !!
yeh sher bhi bohat achaa lagaa daad qubool karo
i'shq sey maiN na baaz aaoNgaa !
mujhey manzoor hai ye ruswaaii !
bohat galat baat hey achey bachey esii baatein nahin kertey
i'shq ko khail mat samajh pyaarey !!
is maiN jaai'z nahiN hai paspaaii !
yeh to phir hey ji
Qais: kyaa jaane :Qais: kaa rutbaa ?
ham se pochoo ! k ham haiN SaHraaii !
waah ji bohat khub
chashm-e-nam sey Tapak lahoo ban kar !
aye mire aaNsovoN ki gihraaii !!
zabardast ji
aao yaaro ! :Zia: se miltey haiN !
kehte haiN , ban gayaa hai suadaaii !
hainnnnnnnnnnnnnnn kab ;)
dheroN daad qubool kijiye is khubsoorat gazal per :)
shukriya