یہ کس بلندی سے رنگوں کی آبشار گری

[Baqa Baloch]

غزل
یہ کس بلندی سے رنگوں کی آبشار گری
کہ میری موج سخن بھی ستارہ وار گری

زمانہ آج بھی حیراں ہے دیکھ کر جس کو
یہ کیا شبیہہ مرے آئنے کے پار گری

طلب کے راستے میں ٹھوکریں مقدر تھیں
حیات اپنے ہی قدموں میں بار بار گری

اسی لئے تو میں اندر سے اتنا بوجھل ہوں
کہ میرے دل پہ مرے آنسوئوں کی دھار گری

وداع یار کا منظر تھا دیدنی صاحب!
شجر سے پھول گرے ‘ آنکھ سے پھوار گری

جو رنگ روح میں کھلنے تھے وہ پلک پہ کھلے
شفق جو گرنی تھی مجھ میں ‘ افق کے پار گری

بقا بلوچ
سوئی ‘ ضلع ڈیرہ بگٹی (بلوچستان)

[sbashwar]

محترم بقا بلوچ صاحب
السلام علیکم

سب سے پہلے اردو بندھن پر آپ کا استقبال کرتے ہوے مسّرت ہو رہی ہے۔ آپکی غزل آپ ہی کے نام سے پیش کر دی گئی ہے۔ اس خوبصورت غزل پر میری داد اور مبارکباد قبول فرمائیں۔

مخلص
سالم باشوار

[sfaseehrabbani]

محترم بقا بلوچ صاحب!
اردو بندھن کی بزم میں آپ کو خوش آمدید کہتا ہوں،
آپ کی غزل کا انداز اچھا لگا، اچھے شعر کہے ہیں آپ نے، مری دلی داد قبول کیجیے۔
فقط یہ کہ لفظ آبشار مذکر ہوتا ہے اسے آپ نے مؤنث باندھا ہے
مخلص
شاہین فصیح ربانی

[/b]

[Nayeem Khan]

Iss khoobsorat ghazal par daad pesh hai.