کوئی مر کر بھی کہیں خود سے مَفر کرتا ہے

[ismail ajaz]

قارئین کرام آداب عرض ہیں ایک فی البدیہہ کلام پیشِ خدمت ہے امید ہے آپ احباب اپنی محبتوں سے نوازیں گے
عرض کیا ہے
۔۔۔۔۔۔۔۔۔۔۔۔۔۔۔۔۔
کوئی حالات پہ جب آہ و بُکا کرتا ہے
جیسا کرتا ہے صلہ اس کا وہی بھرتا ہے

دامِ صیّاد میں ہم جان کے پھنس جاتے ہیں
جب سِتم گر کے سِتم سہنے کو دل کرتا ہے

دل ہمارا تو محبت میں ہے رہتا گھائل
درد اُٹھتا ہے جہاں زخم کوئی بھرتا ہے

جانور اپنا بھرے پیٹ کہیں بھی جا کر
جو بھی مل جائے اُسے چارہ ہرا چرتا ہے

کوئی دنیا میں نہ خود آتا نہ خود ہے جاتا
ہر کوئی اپنی لکھی زیست بسر کرتا ہے

بن کے حیوان یہاں جیتا ہے ابنِ آدم
بنتِ حوّا پہ سِتم کرتے نہیں ڈرتا ہے

ہم حقیقت سے فرار ایسے رہیں گے کب تک
کوئی مر کر بھی کہیں خود سے مَفر کرتا ہے

اپنی تم موت مرو شان سے اک بار خیالؔ
ایسے گُھٹ گُھٹ کے بھلا روز کوئی مرتا ہے
۔۔۔۔۔۔۔۔۔۔۔۔۔۔۔۔۔
آپ کی محبتوں کا طلبگار
اسماعیل اعجاز خیالؔ